Flashback！返寻味之旅

　　过生日，要有啲“仪式感”！《可乐生活》过19岁生日，肯定都唔少得食啲好嘢贺贺佢啦！回顾Color嘅寻味之旅，总是会有几间设计新奇、心思独特嘅餐厅，几份热辣辣咖啡、香喷喷嘅小吃、劲饱肚大餐……啖啖都令大家印象深刻，谂起都觉得肚仔有啲饿。一起坐上舔舔脷“时光机”，打开味蕾“任意门”吧！

　　黄芷晴/文 Color团队/图

 

　　“糕”升之路

　　“意头嘢”就几时都啱食，“步步糕升”嘅钵仔糕就至啱key。Color瓹窿瓹罅搵出嚟嘅几间，有坚持又有新意嘅钵仔糕铺头，传统米糕加上红豆、肉松、蛋黄等等各色各样嘅新老搭配，保留传统又有新花臣。Color为咗影出钵仔糕嘅精美卖相，尝试过好多托盘，捧住个碟来来回回行咗好多次，啱出炉嘅钵仔糕冻晒，靓靓图片先出到街。影完、食过，小编们感觉成个人都得到锻炼同升华，想唔步步高升都难了！

 

 

 

　

　　美食挂住Color

　　Color同好多同学仔都一样，以前一放学唔会即刻返屋企，而会去到学校附近嘅美食街，用自己丁碎咁多嘅零用钱医肚。脆炸淀粉肠、弹牙鱼蛋、炸嘢捞茄汁……垫饱个肚仔就唔会“空肚食晚餐”啦。西华路、同福西路，两条老广州觅食一定要去的老街，“收埋”好多学生仔念念不忘嘅放学后滋味。喺“炸加姨”入面，老板娘仲十分念旧，依然keep住曾经嘅“Color推介”小牌子，令小编们十分惊喜。美食同Color，就好似互相牵挂嘅好搭档！

 

 

 

　　香味好吸“糖”

　　一地都係咖啡店，Color点赞过嘅就实最掂！东山口嘅“白鸟之歌”别具“味”力，集香气、咖啡、艺术同诗歌为一体嘅店面，香水嘅甜腻会同咖啡嘅纯粹互相中和，适合静幽幽嘅午后一人发呆hea时间，又啱三五知己小聚倾闲计。最近孖住Color佢打卡嘅糖妹经过“白鸟之歌”时，就被里面嘅阵阵香味吸引，拍vlog走位嘅时候NG几次，都因为佢“不自觉”咁行入店内……对美好事物的向往，真係拦都拦唔住。

 

 

 

　

　　店名真“鸠史”

　　起名是门艺术，店名都好重要。如果你问Color团队印象最深刻嘅店， “鸠鸠史咖啡豆商店”一定会高票当选。主理人wilee就係Color铁粉，佢话店名就係想用地道又带有小幽默的方式，将粤语文化元素同咖啡结合，融入大家嘅日常生活。探过店嘅人都对佢赞不绝口，好评口口相传，甚至连门口嘅小橘猫都知道。呢间店不单止饮品典型，出品精致、价格良心，听闻最近又有好犀利嘅新品上市，Color小伙伴们已经蠢蠢欲动啦！

 

 

 

 

　　

　　碌尽卡路里

　　人哋碌卡，我哋探美食要碌卡路里，吃饱了才有力气减肥。仲记得那年立秋已经过了，肥美鲜甜嘅蟹陆续上市了，Color点会放过佢哋？ Color速速去帮大家搜罗广州食蟹嘅好去处，你仲记唔记得咧？唔记得都唔紧要，睇到图入面色泽金黄嘅大肥蟹，你一定会有番印象。刺身、炭烤、清蒸、油炸，一蟹多食，鲜味溢出图片。平时经常边行边食嘅Color团队，嗰次“壕”咗一铺，将储存多年嘅卡路里quota全部用晒，都要帮大家试匀晒各种口味嘅蟹菜！