科幻同男神 我全都要

　　男神出动，型嘅、man嘅、chok嘅任君选择，如果加上科幻元素，原本已经“神级”嘅佢哋就更加神秘迷人啦。呢一波上线嘅科幻电影，掺杂高智商、动作、艺术等等精彩“配件”，令一众男神化身“艺术品”，想要一睹佢哋嘅“惊艳”，Color诚邀大家一起开片！

　　

　　郭玮/文   海报、剧照/图

　　

　　

　　网络犯罪考智商

　　

　　在虚拟网络世界，有一群高智商罪犯利用自己嘅技术犯案，同时仲有另一班有天赋嘅高手，与佢哋进行紧惊心动魄嘅较量。《断网》中，高级程序员喺掌握到领导嘅犯罪证据后，无辜被屈“食死猫”，为保清白与家人安全，佢将会与贪婪凶恶的网络犯罪交手。郭富城化身高能角色，与林家栋、任达华同台献技。亦正亦邪、黑白难分嘅紧张剧情将向大家展示三影帝PK嘅“激战”场面。作为林家栋双飞提名却最终失落影帝后嘅作品，唔知佢是否会奋力一搏，血洗前耻咧？

 

 

 

 

　　

　　硬核机甲创先河

　　

　　

　　暌违5年，《明日战记》终于上线。作为国内首部科幻硬核机甲爽片，其实早在2017年已杀青，但因现场大部分场景都是绿幕拍摄，所以后期制作时间较长。呢部电影特效由《流浪地球》班底打造，无论从画面色彩、场景搭建到外星生物嘅视觉呈现都无可挑剔。耗资4.5亿港元，成就咗呢部迄今为止国内制作规模最大、电脑特效最多的科幻电影。故事背景设定喺2055年，地球环境受到破坏，一群精英部队嘅成员出征与外来生物作战，期间发现咗惊天大阴谋……古天乐、刘青云、张家辉、姜皓文与刘嘉玲“四帝一后”联袂主演。亲自担任总监制嘅古天乐，更喺第40届香港电影金像奖颁奖礼上，向全场安利呢部电影添。

 

 

 

 

　　旧作重编注“新血”

　　

　　

　　除咗向大家疯狂口播《明日战记》之外，影坛“劳模”古天乐不忘向大家推荐佢嘅另一部压箱作品《寻秦记》。呢一版嘅电影将延续电视剧版《寻秦记》嘅剧情，21世纪嘅G4精英项少龙，阴差阳错穿越至战国时期寻找秦始皇。呢一次，嚟自现代嘅佢哋，将会使用更高端嘅科技协助嬴政完成冒险。鉴于电视剧版深受观众喜爱，古天乐启动筹拍电影时，演员阵容上最大程度保留剧集原班人马。时隔20年，林峯依旧chok气满屏、郭羡妮冻龄美貌不改；为令电影更有新意思，更邀请唐诗咏出演原著小说中人气很高的“季嫣然”一角，一定会俾到大家惊喜。　

 

 

 

 

　　

　　“熊猫”版《长江七号》　　

　　

　　从青少年角度睇亲情嘅喜剧有过唔少，但今次《外太空的莫扎特》有啲特别。电影将天外来物“莫扎特”嘅形象设计成中国国宝“熊猫”，黑白配色应晒钢琴上面黑白键。外星熊猫“莫扎特”将片中小主角嘅天文梦想、与佢爸爸期许嘅音乐结合，喺帮助小主人实现梦想嘅同时，又会喺呢趟地球之旅中，完成自己嘅终极使命……剧情听落有啲《长江七号》嘅味道，剧情轻松欢乐，画面梦幻又有趣，非常适合暑假期间一家大细去睇。