现实虽抓马 但仍要追梦

　　我们成日话，人生如戏，戏如人生，你以为有啲剧本好夸张、好戏剧化，其实随时会喺现实中发生：售楼经纪自己冇屋住，扫毒警察都会涉毒，医生都有医治唔好嘅病……电视剧反映着现实嘅“抓马”，同时亦鼓励我们克服困难，不要放弃自己的梦想和目标。

　　郭玮/文 剧照、海报/图

 

　　笑中有泪 圆业主梦

　　“买楼上车”係好多普通人嘅梦想，特别係喺寸土尺金嘅香港。售楼经纪竟然为咗抽中住房签，同自己助手“假结婚”，事成之后，二人却阴差阳错地被迫暂时同居。同一屋檐下嘅男女主角，会发生几多啼笑皆非嘅趣事？朝夕相对嘅两人，会唔会日久生情？曾志伟力邀林敏骢出演《下流上车族》男主角，“无厘头鬼才”喺电视荧屏嘅首秀，就同好多靓女搭档，同佢搭档嘅所有人都表示压力好大，事关佢真係好盏鬼搞笑，经常忍唔住要NG。现实题材容易发人深思，江美仪、鲍起静搭档擦出新火花，剧中笑料同真情穿插，易令人共情。一起嚟睇“贱精先生”点同现实斗过，成功“上车”做业主。

 

 

 

 

　　“强人”再来 正邪交锋

　　继《律政强人》《白色强人》等“强人”系列IP取得好口碑后，TVB继续将“强人”IP做大。延续港产警匪电视剧嘅一贯做法，由卧底做翻警察，警察再翻挞卧底嘅套路，今次嘅《破毒强人》由萧正楠与张曦雯担纲主演，大战陈豪饰演嘅“大毒枭”，一场尔虞我诈嘅正邪交锋即将开启。陈豪嘅神秘造型引人猜想，张曦文为角色剪去标志长发，仲有张国强为代表的好戏之人加盟，《破毒强人》势必又掀起新的“制服诱惑”风潮。金牌监制罗永贤最擅长打造“强人”，佢塑造嘅人物唔单止有血有肉，仲有专业精神，令观众睇到好有共鸣。“扫毒强人”涉足黑白两道，係迷失堕落抑或坚定初心，每个选择都可能改变故事结局，期待“强人”能再为大家带来惊喜。

 

 

 

 

　　在妇产科见证人生

　　妇产科嘅医生们见证生命起源，喺病房上演着“人生交叉点”的故事。《亲爱的生命》讲嘅就是两位原本情同姊妹嘅妇产科医师，因为竞争上位关系变得甚为微妙，有时friend到调蜜，有时意见相左，在相爱相杀嘅工作中，见证了发生在病人身上千奇百怪嘅事情。一边係感情，一边係专业，佢哋面对关于生命嘅选择题时，又会如何取舍？胡杏儿化身医生，跟宋茜、王晓晨一起在医院妇产科里迎接“新生”，用鸡飞狗跳的“抓马”日常，谱写敬畏生命、尊重梦想嘅赞歌。