甜甜蜜蜜 “嗒糖”试下mix风

　　

　　过年过节，饭菜肯定係传统佳肴先够应景，但食甜品都有另一个胃嘅你，想奖励下辛苦咗一年嘅自己？咁大玩混搭风嘅西式甜品，就最啱你同朋友闺蜜聚会共享啦！浪漫精致嘅法式甜品，原来可以是中式馅？法式甜品遇到日式配方，又会搭出点样嘅新口味？等我哋用甜蜜嘅方式去开启新一年吧！

　　

　　黄蕾/文 陈祉伶、受访者提供/图

　　

　　

　　喜提美满 法式&中式

 

　　　

　　

　　法式蛋糕中式馅

　　

　　

　　巴斯克蛋糕係法国传统嘅点心，口感顺滑入口即化。呢间叫“喜提”嘅蛋糕店，开业冇耐就推出咗十几种唔同口味嘅巴斯克蛋糕，唔少仲融合中式味道，创意十足：冰糖葫芦巴斯克，用酸甜的山楂汁和山楂酱，中和蛋糕中略微甜腻的重芝士，係东西方融合的巧思。根据地方特色，佢哋仲推出了姜埋奶巴斯克蛋糕，每日新鲜榨取的姜汁做材料，成品柔滑香醇易入口，怕姜味嘅朋友都好容易接受。如果有人更喜欢咸口嘅点心，不妨试下佢哋嘅黑金咸蛋黄巴斯克，或者黑松露火腿口味，一定会有惊喜！

 　　

　　姜埋奶巴斯克

　　

 

 　　

　　秋月梨巴斯克

　　

 　　

　　黑金咸蛋黄巴斯克

　　

　　

　　Mix风格劲出片

　　

　　店内除咗巴斯克蛋糕，仲提供几种口味嘅咖啡、蛋糕卷、冰曲奇等等。呢间坐落喺转角位的蛋糕店唔止口味mix，装修风格都係mix噶！里面係温暖的日式装修风格，原木色桌椅，暖黄色墙壁配上柔和的灯光，悠闲简约的环境劲出片！入口对出的空地被设计成露营体验区，绿植配上一系列的户外装备，露营体验感直接拉满！呢啲係三位95后靓女店长的特别设计，啱晒年轻人嘅口味。店长Coral话食甜品可以带俾人幸福的感觉，希望客人食过“喜提”都能收获满满的幸福感。

 

 

 　　冰糖葫芦巴斯克

　　 　　

　　

　　喜提HIT BAKERY

　　地址：番禺区长提西路124号

　　营业时间：周一至周日 11:00-21：00

　　

　　

　　一尝难忘 法式&日式

　　“朴素系”甜品　　

　　

　　“一尝”嘅甜品都係店长Alice精心制作嘅，因为对法式甜点的爱，佢曾经远赴法国学习甜品制作，对甜品配方进行改良，研发出法式风格和日式配方融合嘅轻快低糖甜品系列，深受时下养生系潮人嘅欢迎。Alice话佢整嘅係“朴素系”甜品，传统法式甜点嘅繁琐装饰、超甜淋面佢都摒弃，在口感上减少稠密嘅质感，令产品入口更清爽，不变嘅係依然精致、有格调嘅颜值，同佢坚持使用嘅星级用料与热爱甜点的心。店名“一尝”，就係希望大家“有兴趣就嚟尝一尝”，从甜蜜中感受到佢嘅用心。

 　　

 

 

 　　橙香焦糖圣多诺克

　　

　　

 

　　

　　

　　

　　啖啖果味浓　　

　　

　　法式甜点外表好精致、口感够丰富，“一尝”出品嘅圣多诺克，外层奶油加入橙子调味，入口橙香四溢，泡芙嘅糖衣焦香脆口，一啖落去係卡士达酱的爆酱，最后松脆饼底搭配内层清爽嘅奶油收尾，啖啖满足又唔会甜腻。回购率最高的“苏娜”，係坚果与热带水果组合而成嘅，特色饼底非常酥脆，令人一试难忘。仲有雪糕口感的法式草莓奶油、栗子花蜂蜜的小蜜蜂、咖啡咸盐风味的提拉米苏、入口清爽的柿柿如意等，口味多，一次係试唔完嘅，每款都口感丰富，啖啖都令人惊喜。

 　　

　　苏娜

　　

 　　

　　柿柿如意

　　

 

　　

　　

　　Maison Sucrée 一尝甜点

　　地址：番禺区桥南街道德贤路25号（海伦堡御园西门）

　　营业时间：周一，周三至周日 12:00-18:30