|
|
LG纸抽式柔顺剂 |
|
|
凡士林身体乳 |
天气越来越冻，所有嘢都变得好干燥，好多朋友随时变成“皮卡丘”咁，四围“电人”。头发乱飘周围黐，手指掂嘢起火星……电痛自己事少，吓亲隔离就比较麻烦啦，就连平时中意同你贴贴嘅小宠物，可能都被电到慌失失。唔想再咁样周围“放电”？用下呢“啲”日常小物收敛电力，你喺冬天会更得人钟意！ 郭玮/文 品牌官网/图 Juicy啲 冬天大家着得衫多，摩擦就容易生电，加上空气干燥，唔同介质上嘅电荷分布不均匀，两两靠近嘅时候就容易“过电”，产生“啪啪声”嘅静电啦。呢个时候，提高物件同环境湿润度，就係减少静电最好嘅方法。日常生活中可以用除静电喷雾帮手，佢哋一般会添加阳离子表面活性因子，能够有效中和物件上嘅电荷，而特别加入嘅保湿剂又能够keep住水份，令除电功能长效持久。内含调配嘅去离子水，温和冇刺激嘅配方，除咗可以喷喺大环境中，仲可以喷洒喺衣服甚至头发上，轻松解决“放电”问题。顺应各位潮人嘅喜好，依家嘅除静电喷雾有各种香味可选，喷完之后衣物唔黐身，仲可以香喷喷，有嘅喷雾会添加去味、柔顺等功能。有一啲日化品牌推出针对特殊材质衣物嘅除电柔顺剂，贵价冷衫、顺滑丝绸等都可以用佢哋嚟“去电”。 Easy啲 其实喺日常生活中，只要稍微注意一下小细节，都可以有效减小静电嘅伤害。例如尽量选择棉质、麻料等等天然材质嘅纺织品，少拣啲化纤类嘅服饰，就可以减少因衣物摩擦产生嘅静电。头发长嘅朋友，使用木梳、牛骨梳就可以减少头发因静电而毛躁打结，多擦润肤露保持皮肤湿润都好有效噶。如果条件允许，喺客厅、房间等等开阔嘅环境中，配置加湿器等小家电，令空间环境湿度上升，唔单止可以有效减少静电产生，仲可以减少空气中因为干燥而飞扬的粉尘、毛絮。 Beauty啲 男生唔太中意身上带香味，又觉得喷完喷雾冻冰冰，想去静电嘅时候都可以选用啲去电小物哦。除静电手环，一般係硅胶材质做主体，加上磁石或者金属元素制作而成嘅。佩戴佢哋嘅时候可以有效消除身体电荷，轻身柔软嘅材质，老人细路都可以使用，瞓觉戴住都唔会觉得唔舒服。佢哋仲有多种颜色、款式，搭配潮look靓衫话咁易。有时接触金属门把、干燥物件嘅时候，我哋会被突然“电击”吓到跳起，呢个时候就需要配备一只万能除电“神器”，佢同除电手环一样用绝缘硅胶加金属制作，轻触物件表面就可以带走电子、消除触电感，每次碰触物件之前，先用“神器”放电，告别潜在嘅危险同麻烦。呢啲去静电“神器”多数做成卡通公仔款嘅匙扣，方便携带，挂手袋、串车匙都啱用。
老管家静电喷雾
当妮衣物柔顺剂
kissback去静电喷雾
华为硅胶防静电手环
静电消除钥匙扣
车钥匙静电去除器
小米防静电手环
EDKE去电手环
People&Object直升机加湿器
飞科加湿器
谭木匠木梳
敬爱润肤露
逸舍木梳
