前方到站：Macau

　

　　最近，大家都心思思谂出游，跨省第一站，好多人都拣咗澳门！澳门虽然地方唔大，但处处充满中西合璧、新旧融合嘅独特魅力。可乐君已经帮大家提前探好路，一次过搵齐多款特色打卡点，带大家换个视觉睇Macau！

　　

　　郭玮/文、图

 

　　

　　集色之旅

　　

　　澳门，在多年的中葡文化融合中，形成咗古朴又洋气嘅城市面貌，影相好出片嘅彩色建筑，也成为咗游客打卡嘅热门选择。土黄做底色，米白雕花嘅骑楼建筑，翻新过后更显得意气风发；粉红色外墙的三层小洋楼，楼下有即点即做嘅热辣猪扒包；龙环葡韵的薄荷绿色清新别致，喺里面开放嘅展示房中，大家仲可以睇到土生葡人过去嘅生活场景……好多旅客也中意打卡疯唐斜巷，带有黄墙红框绿窗户嘅建筑，在阳光下特别缤纷亮眼，係大家争相合影留念嘅景点；不远处仲有绿门红房子同鲜土黄的婆仔屋，短短几百米嘅斜巷就可以影到好多色彩。澳门就係一个咁多姿多彩嘅地方，红绿撞色唔会突兀，新旧粉红各有魅力，五彩缤纷又不会杂乱疲劳，同一个地方不同嘅角度都会出新彩。不时仲会遇到童趣彩绘，旧楼绘新色，新墙画历史，好啱开启一趟多彩集色之旅。

 

 

 

 

　　

　　异国风情

　　

　　相比起澳门半岛嘅宁静，氹仔嘅繁盛显得有啲奢华，各式酒店、娱乐场都相当气派。威尼斯人酒店好架势，门口就有“一河两岸”，室内嘅大运河购物中心，仲有仿真天幕，室内都可以拍大片；巴黎人酒店有“巴黎塔”证明自己贵族身份，步行至对面嘅小公园摆拍，分分钟影出1:1外国打卡同款照。伦敦人酒店算係最新一家奢华酒店，神似《哈利波特》霍格沃兹城堡嘅外形就已经赢咗，购物中心内部仲随处可见各种英伦风打卡点：巨型红茶杯、英式候车站、精致双层红巴士等，夜幕降临，华灯点缀，呢度又添一份异国风情的氛围。

 

 

 

 

　　记忆影集

　　

　　澳门嘅老街旧巷好多，唔少影视作品都曾经喺度取景。“初哥哥”孭住“君好”行过嘅十月初五日街，路牌下的红色邮筒，连新一任“文初”胡鸿钧，都忍唔住打卡噶。《巨轮》嘅“罗信记”就开喺福隆新街，“福隆社”嘅街招历久弥新，将岁月赋予佢嘅斑驳当作奖章留存。用嚟拍摄电影《2046》的新华大旅店，仲keep住当年嘅墨绿色楼梯同木门。德成按曾经係澳门最把炮嘅当铺，如今被翻新成为典当业展示馆，入面除咗保留住最原始嘅典当行装修，更有当票、印章、牌匾等等历史文物嘅展出，大家可以通过佢哋感受到当年呢度嘅威水。澳门嘅老记忆都被呢度的老建筑旧街巷记录咗落嚟，甚至路牌都有自己嘅故事，每次经过都好似翻看紧记载回忆嘅影集咁，可以发现到新的趣味。