|
|
The Grinch x adidas Forum Low |
收藏靓鞋係好多潮人嘅爱好，其实斋係鞋带，就可以变出好多有意思的款式了！最近，好多品牌都推出同潮鞋的联名款，好多就喺鞋带上大玩创意，将品牌元素贯穿其中；贪靓又有个性嘅朋友也可以玩下专属创意，自定义心水款式；就算係唔中意绑鞋带嘅人，都有偷懒“神器”！快啲跟住Color睇睇，边款最合你意啦！ 郭玮/文 品牌官网/图 创意联名 细节有梗 跨界联名係潮流好兴嘅玩法，一般係两个品牌一些标志性元素互相融合，成品好似艺术品咁特别。首饰品牌同波鞋联名，除咗会在鞋带中用上品牌专属颜色之外，还会用首饰的原材料巧妙地整成鞋带扣，提升鞋的质感，让潮鞋从鞋带就散发出贵气嚟。杯面同帆布鞋可以点样玩？鞋面印满品牌图案，再将鞋带变成泡面那样的卷卷带，真系够晒得意！可能设计师都中意食七彩嘅水果麦片，先会突发奇想将麦片嘅缤纷用喺鞋带上，令到经典款鞋仔焕发新活力……仲有设计师就将夸张又型格嘅玩具改装，扣在鞋带上做装饰，令普通嘅带鞋都可以变得独一无二。创意细化到鞋带上，最容易击中潮人嘅心。 Tiffany X Nike鞋带扣 自由搭配 新潮出位 经典款的鞋易衬又襟睇，真係好多人中意，但多人买就自然容易撞款，钟意独一无二嘅潮人会接受唔到咯。不妨试试喺潮鞋的鞋带上，花多啲心思，例如将原本嘅普通鞋带换成毛茸茸系列，潮鞋即刻变成粉嫩版；觉得鞋大显脚肥嘅朋友，拣一条加粗加宽版嘅鞋带，大脚板在视觉效果上都即刻顺眼咗；仲有深得女仔欢心嘅丝带款鞋带，多色又亮眼；蕾丝系列鞋带，可以柔化运动鞋嘅硬朗感；高定印花款鞋带，则可以提升鞋仔嘅矜贵度。潮鞋改配夜光鞋带更加有型，其特殊材质在白天会自行吸收阳光能量，到夜晚就会自带光环，经常夜跑嘅朋友仔可以考虑入手，十足自己带咗盏“警示灯”，仲冇咁容易被人撞到啦。 毛茸茸鞋带 懒人必备 一秒变酷 “懒鬼”潮人唔想绑鞋带又想型仔啲，都有唔使绑的鞋带可以帮到你，佢会将“懒”与“时尚”都发挥到极致，好啱视弯腰为大敌的“弯腰障碍人群”。卡扣式弹力鞋带，将金属头卡扣固定喺鞋带窿之后，便可以一劳永逸，弹力鞋带更方便穿脱。选择绳头自带磁吸卡扣的鞋带，穿好绳之后“啪”一声就“绑完鞋带”，干净利落冇烦恼；钢丝旋转式鞋带是用钢丝做成的，鞋带盘在“小转盘”上，就可以调节松紧。针对小朋友设计嘅弹簧鞋带扣，色彩丰富、容易搭配，松紧度可以随意调节，能适应多种size的鞋，大朋友用起来都好方便。硅胶型鞋带同样有好多颜色可以选择，配色好方便，仲可以经常变换。 
LeBron James x Fruity Pebbles x Dunk Low
Tiffany X Nike鞋盒
Vans X ALLTIEMRS
日清X匡威
Offgod 设计的鞋带扣
超宽鞋带
蕾丝鞋带
毛茸茸鞋带
夜光鞋带
泡面鞋带
弹簧松紧调节器
弹力鞋带+卡扣
钢丝旋转鞋带
