农夫同牛玩转粤语梗

　　今期粤语课堂，Color君嘅friend嘻哈组合农夫，以及Color团队中嘅牛牛，约埋一齐玩转粤文化中最“牛”嘅用词！点解牛肉干唔可以乱咁吃？究竟牛唔饮水后果会点？一齐嚟学嘢了喂。

　　郭玮/文

　　秦丽莹/图

　　农夫、郭玮/模特

 

　　牛精

　　ngeo4 jing1

　　“牛精”一般用嚟形容文化水平不高又野蛮、脾气火爆的人。牛，俾人一种大只有力的感觉。喺黄淮区域的民间故事中，主角就係一个力大如牛又憨厚能干嘅小伙子，后世说书人亦用“牛精”嚟指代呢个故事中嘅人物。直到现在，喺香港嘅剧集里面，经常将性格冲动又大大只的角色名字，同“牛精”一词结合，例如喺《铁马寻桥》中，林子善饰演的“顾汝良”，就被叫做“牛精良”啦。

　　造句：估唔到阿斌穿晒西装斯斯文文咁，原来啲脾气咁牛精。

 

　　牛一

　　ngeo4 yad1

　　“牛一”就係生日嘅意思。老一辈广东人十分注重传统，怕喺生日嘅时候，同啲唔好意头嘅嘢相冲，因此唔会大大方方咁宣扬自己“过生日”。不过，将“生”字拆开后，就得到“牛”同“一”两个字。老一辈认为咁样低调啲，可以起到趋吉避凶的效果，因此就有人用牛一嚟代替“生日”之说，达到避讳嘅目的。

　　造句：今日老板牛一，我哋带支靓酒过去贺下佢啦！

 

　　牛肉干

　　ngeo4 yug6 gon1

　　交通管理部门对车主违反交通规则的处罚单, 称为“牛肉干”。这一说法係从香港传过来嘅，牛肉干本身係一种美味的小食，小块的牛肉干通常係方块形状的，整体呈深红色或棕色。而香港嘅罚单是长方形的，亦是棕红色的，远睇就好似牛肉干咁。后来，好多粤语地区嘅人就用“牛肉干"来称呼罚款单，“食牛肉干”你以为好和味？其实对银包唔多友好，呢个用法有自嘲的意味。

　　造句：成日贪方便乱咁泊车，抵你食“牛肉干”啦。

 

　　牛噍牡丹

　　ngeo4 jiu6 mao5 dan1

　　“噍”係一个古字，意为吃嘢，同“嚼”字同义。牛是食草动物，哪怕是国色天香的牡丹花放喺佢面前，佢都不会另眼相看，都只会当作普通花草直接食落肚。所以牛噍牡丹，要么是说人素质有限，不懂得欣赏，要么就是形容暴殄天物，不经意间糟蹋美好的东西，有非常可惜的意思。

　　造句：呢个高雅嘅艺术展览，阿强实睇唔明噶，俾佢去简直係牛噍牡丹，嘥晒张票。

 

　　牛唔饮水唔揿得牛头低

　　ngeo4 m4 yem2 seu2 m4 gem6 deg1 ngeo4 teo4 dei1

　　牛嘅力气大，佢唔肯饮水嘅时候，我哋係花更大力气先可以将牛头揿落去、强迫它饮嘅。呢个粤语谚语，係比喻某人不愿意做某件事，他人无法强迫其完成。“拉牛上树”也有类似的意思，强调的是好似牛咁有股倔强，这与广东人不张扬但不轻易服输的性格颇有相似之处。呢句话亦可用作反语，嘲讽若非出于自愿，别人係好难强迫佢做某件事嘅，只是他自己不愿意承认，于是，有时呢句话会以反问嘅形式出现：“牛唔饮水点揿得牛头低？

　　造句：牛唔饮水唔揿得牛头低啊！如果唔係阿珍自己愿意借钱俾阿强，冇人逼到佢借嘎。