去茶餐厅，咁落单先地道！

　　

　　打工人最爱茶餐厅，因为会有set好多优惠套餐，选择多又唔使自己谂点搭配。上次Color去香港时，约咗Dear Jane一齐玩，佢哋一尽地主之谊嘅时候，就有带Color君去茶餐厅度食嘢。原来喺港式茶餐厅里面落单，有好多得意嘅叫法，嚟个“揽住”，加个“靓仔”，想食少啲可以叫“扣底”……有呢啲趣致的叫法，好似嘢都特别和味！快啲嚟跟住Color君同Dear Jane去茶餐厅落单啦！

　　

　　郭玮/文 何崇仪/图

　　Dear Jane、郭玮/模特

 

　　靓仔 leng3 zei2

　　传统粤语中嘅“靓仔”，一般指好看、俊俏的男孩子，而喺香港酒楼、茶餐厅里面，“靓仔”係指白饭。白白净净、纯净无添加嘅白饭，同清靓白净嘅靓仔，俾人嘅感觉、气质係咪有啲似？难怪“靓仔”会引申出白饭嘅意思啦！同样嘅道理，喺茶餐厅入面，“靓女”係指白粥，俗语都有话，女人係水做的，有白米水份又多嘅，自然就係白粥啦。

　　造句：呢碟咸蛋肉饼超惹味，空口食就重口咗啲，加个靓仔就perfect晒！

 

　　揽住 lam2 zyu6

　　喺粤语中，用作动词嘅“揽住”就係拥抱、抱紧的意思，原来佢仲可以係个名词。喺茶餐厅里面， “揽住”指嘅係蛋治（dan2 zi6），即係用两片方包夹着香喷喷的荷包蛋，或者嫩滑嘅炒滑蛋嘅鸡蛋三明治。“揽住”同“蛋治”两个词睇落冇咩关系，但其实读得快嘅时候，粤语读音都几相似噶。

　　造句：知道你哋拍拖好sweet，but斋揽住唔够饱噶，嚟翻份“揽住”垫下肚啦！

 

　　走青 zeo2 ceng1

　　喺港式茶餐厅里面，厨师通常会在粥、粉、面等主食中加入香葱、芫茜等香料嚟调味增香。但唔係个个人都中意呢类香料的特殊香气。“走”有挪动、改变或失去原样的意思，又因为香葱、芫茜等天然香料多数来自绿色植物，所以“走青”嘅意思就係唔要香葱、芫茜一类嘅香料啦。如果你唔希望吃嘢食到呢啲香料，喺落单嘅时候就可以要求“走青”啦。

　　造句：老板，打包个细蓉，唔该走青！

 

　　败家仔 bai6 ga1 zei2

　　喺粤语入面，败家仔係个贬义词，指成日不务正业、只会挥霍家产甚至会倾家荡产的后辈。不过，嚟到港式茶餐厅，败家仔就冇贬义了，就係指热阿华田。有资深嘅伙计介绍话，将食物端送俾客人嘅行为就似卖东西，阿华田咁啱有个“田”字，端送阿华田俾客人嘅过程，就好似叫伙计去“卖田”咁，因此阿华田就被叫做“败家仔”啦。亦有另一种说法係，因为阿华田甜口又有少少油腻，饮得多会有罪恶感，而败家一样会好有罪恶感。

　　造句：食饱饭再嚟一杯败家仔，热量同肚仔都超满足啊！

 

　　扣底 kau3 dei2

　　喺茶餐厅你会经常听到有人叫“扣底”，意思係减少饭量，甚至有人要“双扣”或“孖扣”，就是饭菜都要减少。其实，扣底最早嘅时候更彻底，係表示“要餸唔要饭”噶。据闻香港百业萧条时，港府曾开征饮食税，规定除了碟头饭之外，所有菜肴都要征收饮食税，结果令餐饮业生意更加惨淡。为咗避税，有人谂到“扣底”嘅办法，即係你想食叉烧，可以叫一碟叉烧饭但声明“扣底”，店家就明白你要叉烧但唔要饭。后来饮食税取消后，打工仔食饭就唔“扣底”了，反而係要“加马”——加多个白饭。

　　造句：Mary话最近着衫好似都紧咗，所以吃饭全部要扣底！