美拉德 “焦”俏可人！

　　

　　夏天多巴胺，秋天美拉德，潮流色彩跟住季节变！“美拉德”一词源于化学概念中的“美拉德反应(Maillardreaction)”,牛扒、可颂等食物被炙烤后产生褐变反应。今年，“美拉德”成为秋冬季嘅流行色彩热词，为经典嘅棕褐色系穿搭，增添一丝焦色和香气，时尚感翻倍！

　　黄译萱/文  品牌官网/图

 　　Versace 2023 Fall

　　

　　贵气出圈

　　一件色彩浓郁嘅外套唔单止遮风保暖，仲可以帮你提升气场，美拉德色系同充满桂花香的秋色配搭，更显贵气。文咏珊呢件Max Mara皮草外套，内搭同色系气质裙装，华贵又有女人味，简直係贵妇向晚装嘅不二之选。另外，动物纹皮草亦係潮人心头好，Stella McCartney 长款动物纹皮草搭配棕褐色内搭，仲玩出跳色嘅慵懒感。秋冬一定唔少得大气又保暖嘅大褛，Dries Van Noten 2023秋冬系列中，有一款腰间涂咗“金漆”嘅大褛，搭配同色系嘅腰带，成个look够晒贵气，仲可以展示优美的身体线条。除此之外，硬朗嘅皮褛搭配明亮、浮夸嘅“贵妇”套装，仲可以玩出撞色搭配，整体浮现出层次感和十足玩味！

 　　Stella McCartney 2023 Fall

 　　Versace 2023 Fall

 　　Dries Van Noten 2023 Fall

 　　Max Mara x 文咏珊

　　

　　“熟度”刚好

　　暖调嘅棕色系穿搭会令人散发出温柔、优雅嘅气质，想要着出“香气”而唔係老气，不如试下跟住烤肉的成熟度来挑选颜色。如果你係格纹控，可以好似“全熟”烤肉咁全身只套上一个颜色，大面积嘅棕褐色被红棕色线条分割，可口嘅复古美拉德穿搭就“出炉”啦！而刺绣单品就啱好可以展现出“五分熟”嘅魅力——五分熟的烤肉表面睇已经熟透，但内里会渗出点点血红。刺绣自带气质加成，精美嘅绣花挂喺轻薄如纱嘅衣物上，唔使多余嘅配饰就已经够吸睛。柔软优雅嘅针织品就好似入口即化嘅“三分熟”烤肉，肉眼可见嘅大片鲜红，表面同内里嘅颜色更係相当分明，再搭配跳色鞋靴或腰带，既能体现高级知性嘅气质，又不失时髦成熟嘅感觉。

 　　Ralph Lauren 2023 Fall

 　　Dries Van Noten 2023 Fall

 　　ISABEL MARANT 2023 Fall

 　　Stella Mccartney 2023 Fall

　　

　　焦点现身

　　运用撞色、跳色嘅色彩搭配方式，或者加啲出挑嘅配饰，同样会令美拉德穿搭更吸睛。其中，手袋就係轻松解锁美拉德风嘅钥匙，想揾到一款棕褐色嘅靓袋其实唔难，软熟嘅“保龄球包”显得人娇俏，而近年翻红嘅“老花包”衬棕色服装就啱嗮啦。除咗手袋，充满异域风嘅皮质长靴、温暖嘅丝质围巾或者性感嘅小猫跟凉鞋，都可以满足唔同情景的穿搭需要。用美拉德“调色盘”打造一身甜酷穿搭，脱下外套时更惊艳。好hit嘅“废土风”吊带短裙，如Acen Studio秋冬T台上，矿石般的红棕色裙搭卡其色长靴，一秒变身酷girl。如果钟爱休闲穿搭，不妨试下用美拉德风搭配松弛感十足嘅服装，Lemaire秋冬系列就有柔软针织上衣搭配坚挺阔腿皮裤，超有随意的秋冬氛围感。只要唔离开呢个色盘，色彩搭配就可以信手拈来！

 　　ISABEL MARANT 2023 Fall

 　　Lemaire 2023 Fall

 　　Louis Vuitton 

　　DAUPHINE CAPITALE

 　　Acen Studio 2023 Fall

 　　Versace

 　　Lemaire 2023 Fall

 　　ISABEL MARANT