Color 潮足廿年，班马继续happy！

　　

　　8月18日，Color团队同大家一起开开心心庆祝生日，你有冇join我哋嘅20岁周年庆生日趴咧？有得玩又有好嘢食，仲有礼物派，miss咗就走宝啦。不过唔紧要，毕竟Color谂法多、桥又多，以后一定会有更多好玩活动等住你。依家先嚟睇睇Color生日趴嘅盛况啦，let’s go！

　　郭玮/文  Color团队/图

　　

 

　　逛饮逛吃储能量

　　筹备多时的多巴胺市集，就喺我哋生日正日、于班马国际中心花园开张营业啦！虽然“花园”呢度地方唔大，但市集真係充满多巴胺嘅快乐！有靓女装身的首饰、精心编织的手工花花，细蚊仔最霖的卡通公仔，大胃王不能或缺的美味提拉米苏……经过Color团队精心挑选过嘅市集，款式多元、物品齐全，每位嚟帮我哋庆生嘅朋友仔，都可以喺度搵到自己嘅快乐源泉。大家逛饮逛吃、热情高涨，“劝退”乌云、迎来灿烂的阳光。大雨过后，多巴胺市集、班马国际中心花园都充满清新充满活力，嚟逛市集嘅朋友仔有买买买的喜悦，吃吃吃的欢畅淋漓，然后带住满满power向潮fun游戏发起挑战。

 

 

 

 

 

　　

　　“财色”兼收学粤语

　　要讲最好玩，梗係我哋《可乐生活》嘅主摊位啦！Color之前就提前预告咗有文创礼物大放送，更有明星亲笔签名的珍藏版明信片发射，只要pass我哋精心策划嘅盏鬼粤语小游戏，就可以“财色”兼收、满载而归啦！知道大家有追住《可乐生活》报每期“粤语课堂”版面嚟睇，Color团队特意设计咗粤语小游戏——估生僻字、猜意思，让大家喺玩乐过程中可以轻松get到满满嘅知识点。为咗令每位玩游戏嘅朋友仔都可以攞到礼物、尽兴而归，Color团队出尽法宝俾贴士，或者硬生生将估字游戏玩成咗填空题，或者声情并茂咁放水，务求令你对粤语生僻字唔识玩到识！玩咗摊位游戏嘅粉丝即刻打卡、发圈，呼朋唤友过来玩。

　　

 

 

 

 

 

　　双向奔赴惊喜多

　　在8月18日当天，Color嘅粉丝都纷纷到场，为20岁嘅Color送上最真挚嘅祝福。而Color团队亦准备好超大份生日蛋糕，赏面Color生日趴嘅朋友仔，见者人人有份！更有粉丝拿着当天买到、新鲜出炉的最新一期《可乐生活》705期，来参加我们的派对。懂得宠粉嘅可乐君，即场给他们送出今年最新设计的一整套文创大礼包！好多粉丝话，睇《可乐生活》係他们的青春回忆，潮人、潮事、潮物，每次翻开报纸都会有惊喜！每次周年庆嘅欢声笑语都有大家嘅参与，Color团队亦借此机会感谢过去20年大家对Color一路嘅支持，我哋会keep住Color嘅经典好嘢，努力探寻新鲜好物，希望大家继续follow我哋，未来，我哋一齐继续班马去威！