Ben sir教功夫 粤“打”粤犀利

　　阿Ben袁伟豪成日演阿Sir，本人自然亦好打得。今期粤语课堂，Ben sir亲身落场教大家“功夫”，醒翻几招“必杀技”俾大家！咩关系可以“打风都打唔甩”？咩嘢打人唔会痛？边个打交最得人惊……热好身未啊，准备开“打”啦！

　　

　　郭玮/文  秦丽莹/图  袁伟豪、郭玮/模特

 

 　　《城寨英雄》“牙佬”pose

　　打风都打唔甩

　　da2 fung1 dou1 da2 m4 led1

　　香港人习惯将热带气旋警告信号称为“风球”，台风袭击嘅时候俗称“打风球”。台风天大风大雨，风力强劲到人都企唔稳，喺呢个时候仲可以保持纹丝不动的东西，必定是非常牢固。“打风都打唔甩”一般用来形容情侣、夫妻情比金坚，遇到艰难险阻都唔会分开。依家呢个词可以形容家人、朋友之间嘅关系密切。

　　造句：阿强同阿珍青梅竹马、感情深厚，佢哋嘅关系睇怕打风都打唔甩噶啦。

 

　　鸡髀打人牙铰软

　　gai1 bei2 da2 jan4 ngaa4 gaau2 jyun5

　　“髀”指人或者动物嘅大腿，鸡髀肉厚鲜美，请人食鸡髀比喻给予别人好处；牙铰係下巴连接头部嘅关节部分，呢块骨骼结实硬净。“鸡髀打人牙铰软” 比喻人得到好处就容易心软，容易接受别人的请求。呢个词过去多指用利益诱惑别人，刺探出某些情报，依家嘅语境就比较日常化啦。

　　造句：你都食咗阿奇嗰餐饭，鸡髀打人牙铰软，佢话要帮手，你帮得就帮啦。

 

　　friend过打band

　　[frend] gwo3 da2 [bænd]

　　

　　Friend喺呢度用作动词，指做朋友之意；Band係乐队，打band就指组建乐队。乐队成员之间要十分合拍，才能合奏出和谐动听嘅音乐，“friend过打band”字面意思係做朋友比组建乐队更合拍，形容朋友之间志同道合兼性格合拍。

　　造句：阿Ben将细细粒嘅牛牛成个拎起、舞嚟舞去，一睇就知道佢哋friend过打band啦。

 

　　东家唔打打西家

　　dung1 ga1 m4 da2 da2 sai1 ga1

　　东家、西家指唔同嘅两个地方，“打”在这里係打工嘅意思，喺东家打工做唔落去，就选择去西家，人在旧职场上失意，就换到新的环境谋发展，形容做事灵活变通，天无绝人之路。粤语中有一句俗语：东家不打打西家，好马何愁没好鞍。一个人只要有才华，总会被人睇到，去到被人赏识嘅地方。

　　造句：阿花咁有才华，大把人争住请佢啦，东家唔打打西家啰，佢一啲都唔心急。

 

　　单单打打

　　dan1 dan1 da2 da2

　　“唱双簧”係曲艺嘅一种表演形式，表演者通过一唱一和来完成表演，与之相反嘅係“单打”，即係唱独角戏，单方面对评价对象作含沙射影、迂回嘅批评，话中带刺。将“单打”呢个词变成“复数”——单单打打，除咗加强了语气之外，仲包含更多的意味，有对单打者嘅轻蔑，觉得佢有冷嘲热讽、指桑骂槐嘅倾向，表面上装作与别人无关，实际上就係有心让人听见。

　　造句：你有咩事唔怕摊开嚟讲，喺度单单打打有咩意思啊？

 

　　

　　雷公打交

　　leu4 gung1 da2 gao1

　　“雷公”係中国古代神话中掌管天上雷雨的神仙，“打交”係打架的意思。传说中，雷神打交係为咗争夺天地，而天与地之间相隔十分遥远，因此“雷公打交”就引申出相差十万八千里嘅意思，也衍生出歇后语“雷公打交——争天共地”，指被形容的两个主体、物品之间差别好大，不能相提并论。

　　造句：两个词写法唔一样，意思更係雷公打交，你考试嘅时候点可以错得咁犀利？