与Aga穿梭粤"雨"

　　Aga江海迦同我哋讲，佢好中意落雨，因为滴滴答答嘅雨声特别有feel，好啱创作。进入四月开始雨纷纷，我哋就同Aga一起穿梭到粤“雨”中，睇睇粤语里面嘅“雨”有几咁盏鬼啦。

　　郭玮/文  秦丽莹/图

　　江海迦、郭玮/模特

 

　　落雨担遮

　　lok6 jyu5 daam1ze1

　　“落”喺粤语中，有掉下来、往下降的意思； “伞”同“散”同音，广东人就觉得唔好意头，所以将遮阳挡雨嘅伞改称为“遮”，而担就有“扛着”的意思，担遮就可以理解成好用力地撑起雨伞，落雨担遮就引申为死党（挡）嘅意思，形容为交情非常好嘅朋友。

　　造句：Aga一到广州就嚟班马直播间玩，一睇就知佢同可乐君係落雨担遮——死党嚟嘅。

 

　　

　　

　　

　　

　　

　　

　　

　　水浸街

　　seoi2 zam3 gaai1

　　浸有“泡”嘅意思，每逢大雨，广州唔少街道就会“水浸街”，意思係闹水灾了。粤语中有谚语“先雷后雨唔湿鞋，先雨后雷水浸街”。广为流传的粤语童谣《落雨大》，有句歌词就係“落雨大，水浸街……”，係清末民初时大家描述西关地区街头巷尾喺下雨天时嘅情景。

　　造句：天气预报话连续几日都落雨，新闻已经在报道水浸街嘅情形，大家出门要小心啲啊。

 

　　白撞雨

　　baak6 zong6 jyu5

　　广东番禺人屈大均喺《广东新语》里记载:“凡天晴暴雨忽作,雨不避日,日不避雨,点大而疏,是曰白撞雨。”“白撞雨”，原来係指夏天日光日白的大晴天之下，骤然而至的阵雨。“白撞”一词，有趁人疏忽进行盗窃的意思，好生动地诠释“太阳雨”的突如其来，有如乘人不备的“偷袭”。

　　造句：行行下街嚟咗场白撞雨，淋湿身搞到乜心情都冇晒。

 

　　

　　䢮䢮雴雴

　　dik9 dik9 dap9 dap9

　　“䢮䢮”本身就有落雨嘅意思，而“雴”与“霫”组词，就有大雨的意思。雨水连绵不断嘅时候，就会发出有节奏嘅滴答声。同为拟声词，“䢮䢮雴雴”特指阴雨连绵时雨水落下的声音，而“滴滴答答”就係重复嘅滴滴声，或一连串轻快的拍打声。

　　造句：中午听住䢮䢮雴雴嘅雨声，特别好瞓。

 

　　行雷霅爧

　　haang4 leoi4 sip3 ling4

　　依家一般都会写为“行雷闪电”。“霅爧”，就係广府人会对闪电的旧称。在汉朝的《说文》中解释：“霅霅，震地貌”，“爧”字在《广韵》中解释为“火光貌”，即指闪电时，天空睇落好似着火般光亮。

　　造句：为咗安全着想，行雷霅爧嘅天气就唔好随便出门啦。

 

　　跣

　　sin3

　　“跣”字从字义上讲，多解作光脚走路，如果无视地面状况光脚走路，就容易跌倒受伤，因此“跣”就延伸出打滑的意思，唔止可以“跣脚”，仲可以“跣手”“跣低”。从“滑倒”之意再引申出陷害、欺骗、作弄的意思，例如“跣你（人）一镬”，意思是陷害你（他人）。

　　造句：唔係我有心跣你，天雨路滑真係好容易跣亲，行另一条路好行啲噶！