虽然近期金价狂飙,我哋依然发现越来越多朋友仔中意戴金饰。黄金首饰已经搣甩俗气老土嘅气质,唔单止金饰品牌会推出五花八门的联名款、古早款来诱惑你,连银行都推出具备文化韵味的金饰款,令潮人侧目相看;亦有人开始想买金投资,结果串一串,又变成简单好睇嘅潮流单品。做又靓又有米的“金主”,谁又能抗拒呢? 郭玮/文 品牌官网、郭玮/图 “联名款”就係心头好 各大品牌为咗俘获消费者嘅心,纷纷推出联名款、具有特色工艺嘅金饰供大家选购。正版授权嘅联名款首饰精致又特别,定期推出嘅不同款式令爱好者“上瘾”,但呢类饰品多数为一口价商品,价格中包含联名费、版权费等“隐形”杂项,售价甚至会係同等克重计价金饰嘅翻倍。依家比较流行嘅5G硬金、3D硬金工艺制作的饰品,造型别致,克重轻但体积显大,加上各大品牌会顺应生肖、时节推出限定款,对后生仔女嚟讲都几吸引噶,但呢种工艺嘅金饰一般为定价商品,性价比肯定冇普通计价饰品咁高,只係实在中意就唔计较咁多。 “有内涵”设计好上头 除了联名款,各大金饰品牌仲会跟翻潮流热点,推出一啲富有美好寓意嘅款式。近年来,被《想见你》《开端》等热剧带火嘅莫比乌斯环,本身是个数学术语,后来被观众、网友赋予美好时刻无限循环的意思,金饰店就推出了不少莫比乌斯环的设计,例如手鈪、戒指款。“碎碎冰”设计寓意“岁岁平安”,工艺会折射出耀眼光芒。用复古黑金工艺制作嘅金饰显得很酷,再镶嵌宝石或者珐琅上色,就更多姿多彩。最近好hit嘅鱼鳞片光面设计,通过鳞片拼接嘅弧面提升光泽度,令首饰像镜子般折射耀目光芒,闪得嚟又比较低调。古法制作嘅首饰永远都係经典,造型简单耐看又百搭,单戴清爽优雅,还可以看自己心情来叠戴。最近连银行都推出黄金首饰,款式会采用故宫瑞兽、只此青绿做主题,相当有文化韵味,大家还惊喜发现,银行销售的金饰手工费比金饰品牌店更划算,大家都话:唔係金店买唔起,係银行买首饰更有性价比。 积少成多做小“金主” 你都咪话年轻人唔会存钱,只是可能中意买金呢种更有质感嘅方式。作为年轻嘅打工人,唔一定下下要买投资金条,而係先会从小克重嘅小金豆入手,小金豆嘅重量轻至1克以下,只需要几百元就可以上车做“金主”。呢啲小金豆款式丰富,有金瓜子、金爱心、金元宝等造型,入手后可以用小玻璃樽慢慢存,储够一定数量仲可以自由组合成手串或者项链,好直观咁见证自己理财嘅成果。有啲品牌洞察咗消费者嘅小心思,将投资金条嘅造型搞啲花臣,只要加编绳就可以成为手链或者项链,呢种投资类金品一般会免去手工费,价格按国际金价走,无需多余消费,轻轻松松get闪炩炩嘅金饰。 图源:周生生“生生有囍”桃花系列
龚兴隆-5G黄金星月城堡吊坠
中国黄金-足金金福猪储钱罐
周生生-charme转运珠
FUSSEM-纯金5G硬金爱心挂坠
娉饰珠宝-黄金蓬莱樽吊坠
周大福-ING爱无尽循环黄金手镯
建设银行-故宫瑞兽吊坠
建设银行-只此青绿新概念套装
六福珠宝-碎碎冰手镯
KIKIPANDA-黄金绿宝石猫头鹰耳钉
周生生金条加编绳
中国黄金投资金豆
六福珠宝金豆
周六福小克重金豆
ZSK黄金平安扣投资金
周六福投资金条
-
即时新闻
![](../../../resfile/2024-04-18/10/klsh2024041810_b.jpg)
Let's go!潮爆黄金时代
来源:可乐生活
2024年04月18日
版次:10
作者:郭玮