细妹

家姐

阿爷

老妈子

老豆

　　策划：李艳文、曾敏妍、钟珊

　　统筹：曾敏妍、钟珊、江映姗

　　模特：威笑、维他、尼酱、阿栗、榛果

　　虽然日历早已迈入2021，不过在中国人的心里，还是过完农历春节，才叫做步入新一年。因为疫情，新的2021年春节注定与往年不同，但并不代表这个年就一定过得没有“年味”。经历了不寻常的2020，我们的新春仪式感也会跟着改变，新的一年自然会期待全新的开始，大家对于新的一年又有什么期待呢？今次Color就“请”来一家大细，和大家分享他们的新年愿望，或许和你的差不多咧！

　　陈群顺/文 姚舜瑜/图

　　挚爱旅游 美食达人

　　人生无得旅游仲有咩意思？2020年因为疫情原因无得出国玩，就连国内游都心惊惊，每次去其他城市玩多几日，阿妈就夺命连环call催住我快d翻屋企，真係好无瘾，不过都理解屋企人嘅担心。

　　新年愿望

　　希望新嘅一年快d可以放心周围飞，我要继续周游列国！今年嘅心愿係食匀全世界嘅美食，实现唔到嘅话，食匀全中国美食都好啊！再退一步嘅话，咁不如俾d机会我，食匀广州美食先？

　　家有一老 如有一宝

　　开心又一日，唔开心又一日，日子都係咁过噶啦。今年两个孙都成日喺屋企陪住我，唔知佢哋开唔开心，但係我真係好开心！如果家嫂唔好成日喺我隔离管来管去，咪咁啰嗦，咁我会仲开心。

　　新年愿望

　　希望一家人个个都身体健康就够了啦！今年咁特殊嘅情况，真係健康最重要啊！可唔可以再加一个？就係唔该帮埋我两个孙女实现愿望啦，佢哋真係好乖好孝顺噶！

　　沉迷二次元的阿宅

　　今年阿妈终于无成日逼我出门社交，我都话宅喺屋企先係最幸福嘅事啦！不过成家人宅喺屋企嘅时间变多，搞到每次我打机、煲剧时间长小小，就即刻会被人闹，我真係好难。

　　新年愿望

　　我嘅愿望就係继续做个阿宅，希望2021出多几款唔使加好友、唔使定时打卡嘅游戏，令我嘅生活更有趣，仲有多出几部新番俾我追下唔该！

　　两耳不闻窗外事

　　老婆成日都同我哋上思想教育课，话出面有好多细菌，我仲边敢出门？每次都等佢出街先敢同班老友去食饭吹水，仲要睇住个表早过佢翻屋企先得，不过上次已经暴露咗了，下次要搵过其他招。 

　　新年愿望

　　希望收埋喺老豆床下底d私房钱唔好俾老婆发现。新年当然都係希望可以搵多d钱啦！

　　承包家里事务的超人

　　日日睇住防疫新闻，然后仲要睇住屋企咁多个人，好在佢哋都算听话，今年平平安安过完，真係令人欣慰。

　　新年愿望

　　真係可以许愿？咁新嘅一年希望阿爷食药睇病嘅时候乖d，唔好再收埋咁多烂铜烂铁喺床底；希望老公唔好睇咁多足球，唔好再同d猪朋狗友出去滚；希望大女多d出门，快d嫁人；希望细女多d喺屋企陪我，唔好识咁多男仔……