炸鸡拼年糕 分量十分多，下面有奶油汁铺底，不过味道较淡唔会抢味

部队火锅 食得辣唔怕试试饮啖汤底，保证会中意呢种酸爽！

蒙古烤羊排

手抓羊肉 清汤吊出咗羊肉本来的味道，而且煮得够软够嫩滑，中意清淡口味的话就好适合

草原羊肉串 有分大串细串，大串咬落啖啖肉食得过瘾

板腱厚牛扒

大鱼经典海陆双拼

碳烤带骨牛肋排

　　唔少人为咗keep fit，要日日沙律，虽然讲求健康生活係无错，但都唔使咁单调吧！对于肉食爱好者来讲，啖啖肉先係最实际，呢几间用唔同方法烹调鸡、牛、羊嘅餐厅，就啱晒食肉兽啦！

　　

　　姚舜瑜/文、图

　　

　　

　　来自草原的味道　　　　

　　广州人怕燥热，平时鸡牛猪食得多，羊肉就真係好少食啦。本地专门食羊嘅餐厅，其实都唔多，而呢间望落似超市嘅餐厅，其实係一间大型连锁餐饮公司，专门出售内蒙牛羊肉，仲可以即叫即整。羊肉最通常嘅做法，当然係烧烤，落单之后可以在半开放式厨房内，望住厨师烧。好多人其实都怕羊肉嘅膻味，而店里面做出来的羊肉不带膻味，咬落口仲有奶香味，加上肉质偏瘦，食得多都唔觉腻啊。

　　

　　羊之道草原严选（富力桃园店）

　　地址：富林街自编20号

　　营业时间：周一至周日7:00-22:00

　　

　　

　　

　　酸爽滋味韩国料理

　　北京路商区有咗日料一条街之后，旁边有整个韩餐一条街嘅趋势，开咗唔少韩国餐厅。呢间开咗几个月，店面分咗两层装修环境走ins风，对比附近大排档形式嘅店，呢度座位安排阔落好多，无论係2人约会，定4、5人聚餐都可以坐得舒服。老板係韩国人，出品俾人感觉都几贴近正宗口味。　　

　　韩餐自然唔少得年糕炸鸡，呢度直接做成拼盘，炸鸡有辣味同原味双拼，一次满足你两个愿望。而部队火锅几乎每台都叫，材料超级多，有鱼饼、午餐肉、各种菌类同蔬菜，浓郁酸辣汤底配上火锅面真系食得好爽！　　

　　

　　OPPA HOUSE韩国欧巴餐厅

　　地址：越秀区惠福东路449号

　　营业时间：11:00-14:30、17:00-21:00

　　

　　

　　

　　老少咸宜牛扒

　　以前如果讲要出去锯扒，好似係件好紧要嘅事，但依家食牛扒对于唔少人来讲，都好随意啦！皆因依家唔少牛扒店，性价比都非常高，唔使担心洗费问题。广州开咗好多年嘅西提厚牛排就出名性价比高，经常吸引一家大细换口味过来锯下扒。

　　餐前会有果汁送，都几开胃，牛扒种类都越做越多，碳烤带骨牛肋排用手抓住食特别豪迈，牛肉好嫩，可以直接撕扯出来，加上微焦口感十分正。除咗牛扒仲有海陆双拼，有鱼同牛扒双拼，鱼肉同牛扒一样大细厚薄，煎得啱啱好唔会太干身。

　　

　　西提厚牛排（乐峰广场店）

　　地址：工业大道北乐峰广场一层L1-S01a

　　营业时间：周一至周五11:00-14:00 17:00-21:00 

　　周六日11:00-21:00