眼睛係心灵嘅窗口，通过眼睛可以观察到一个人内心嘅世界。而如果我哋唔想咁易俾人睇穿自己，最啱就係帮眼睛搭配一副眼镜啦！早前热播嘅《扫黑风暴》中，孙红雷扮演的李成阳，就利用各式眼镜，在各种身份情绪中自由切换，令到角色劲加分！一起跟住佢，学下点用眼镜“扮嘢”啦！

　　

　　郭玮/文  剧照、产品图/图

　　

　　

　　低调深沉学术风

　　

　　李成阳以法律顾问身份登场，粗厚金边嘅大圆框眼镜，同佢暗纹深色系嘅西装搭配，贵气中渗透出好有学问嘅感觉，复古嘅金铜色韵味十足，将角色嘅心机、谋略通通压制，令人估唔到佢究竟谂紧乜嘢。如果你想低调深沉，玩下深谋远虑，可以试下呢款眼镜。

　　

　　

　　善良无公害马仔

　　

　　同样係圆框眼镜，呢款嘅边框就明显细好多，精致嘅透明框架令镜片更加通透明亮，小面积嘅镜片削弱咗攻击性，睇落有种善良无公害即视感，“社会阳”秒变大佬身边嘅“马仔阳”。想要掩饰眼神凶狠嘅朋友，不妨试下呢款，显得精乖纯良冇攻击性，想同人亲近都容易啲。

　　

　　

　　

　　灵动玩味超自信

　　

　　同纯色木臂嘅双梁眼镜相比，带花纹嘅镜框更加灵动玩味。双梁依然好好咁压抑住觉得内心嘅火气，而玩味嘅花纹边就将佢自信嘅一面show咗出来，尽显心中已经有咗十成十的把握，可以一锤定音嘅笃定完全表露无遗。如果你都有咁样嘅自信，一定要试下呢款眼镜威尽佢。

　　

　　

　　个性前卫潮流look

　　

　　在复古圆框嘅基础上加以切割打磨，内圆外廓嘅多边形设计充满时尚元素，粗窄线条相互连接嘅视觉效果，增加咗眼镜嘅层次感。抛弃过往嘅笨重感，喺传统上创造新世界，可能係尼款眼镜嘅巧妙之处，啱晒新时代勇于创造、个性前卫嘅你。

　　

　　

　　斯文败类眼神杀

　　

　　小面积嘅镜片容易塑造“斯文败类”既视感，正方形嘅设计小众不撞款，茶色嘅镜片都好有特色。李成阳角色嘅内涵喺尼款眼镜底下显得尤为突出，谨慎嘅为人、大胆嘅处事作风、仲有一直唔变嘅警察魂一直喺佢身上。如果你想要尝试驾驭呢种极富故事性的人设，呢款小方框眼镜就最合适不过了。

　　

　　

　　

　　揿住嬲爆爆把火

　　

　　当李成阳知道自己大佬俾人做低咗之后，心口把火已经熊熊燃烧，但为咗查出真相为大佬报仇，佢只好揿住啖气。双梁木臂嘅眼镜咁啱缓解佢眉头紧锁透露出的盛气凌人。虽然眼神依然嬲爆爆，但副眼镜已经帮佢遮住大部分火气。下次想发嬲嘅时候不妨试下呢款眼镜，冷静落来可能事情有转机！

　　

　　

　　讲数稳阵够成熟

　　

　　金臂黑框眼镜比全金款式要更时尚，适合想走复古路线又要型格行先嘅潮人。偏粗嘅黑框边增加咗稳重嘅感觉，但又一啲都唔老气，圆形嘅设计令整体造型唔会过于商务，正经之中蕴含几分时尚感。戴住佢去讲数或者倾生意，对方一定觉得你够稳阵。

　　

　　

　　百搭经典不过时

　　

　　剧中李成阳戴得最多嘅，都係呢款最传统嘅黑框眼镜，永远唔会出错嘅经典款。某程度也凸显佢呢个角色，由始至终坚定不移嘅忠心耿耿。黑色板材结构嘅镜框唔会过时，简洁又轻便，居家、办公、出行、约会……无论乜场合都啱使，够嗮百搭。