浮雕爱心

　　

 

　　　　

　　想要靓得出位，着装、妆发搭配自然要讲究，但指尖细节也要精心准备。如果小小指甲，都打扮得好靓，亮相嘅时候肯定更吸睛啦！咪睇指甲面积好细，但可以创作嘅空间却无限大，跟住可乐君，一起玩转小指甲大创意。　　

　　

　　郭玮/文 品牌官网、剧照/图

　　材质百变，软硬兼施

　　

　　为帮小小指甲扮靓，简简单单涂层指甲油边够喉？如今，“光疗美甲”先係大家嘅心头好，不但靓靓颜色可以更鲜艳更持久，你仲可以选择唔同材质，DIY心水嘅美甲造型。比如柔软、延展性好嘅软糖胶，可以随意搓圆摁扁，发挥自己嘅无限创意，打造指尖艺术品。本身透明嘅胶体仲可以用甲油上色，完成造型后可以直接固定于甲面，只要用美甲灯光照就可以令佢硬化定型。如果觉得捏啲心心、方块太简单，可以尝试捏制小熊、小猫甚至卡通人物，体验创作出美感嘅快乐。

　

 　　

　　软糖胶

　　

 

 　　俪夏软糖胶

　　

　玩过Q软嘅软糖胶，仲可以试下走硬朗风嘅石膏胶噶。石膏胶涂上甲面之后，因为有沙粒感可以营造出复古墙面嘅凹凸质感，哥特风嘅个性美甲就咁get到。如果将呢种甲胶放入模具塑形，仲可以整到各种造型嘅石膏小配件，石膏花花、石膏蝴蝶等等配饰，同撞色嘅指甲搭配，真係别有一番风味。需要提醒嘅係，石膏胶灯照后就会固定，唔使再上封层啦。　　

 

 

 　　石膏胶

　　

　　

　　

 　　 工具助力，秒变高手

　　

　　

　　自己喐手做靓甲，有时仲需要一啲“小助手”帮忙，美甲先可以做得更快更靓。各式穿戴甲、美甲贴都有唔同尺寸，方便甲面唔同size嘅朋友选择。因为甲面弯曲，唔容易度量准确数值，常备一把刻度更精细嘅迷你软尺都好紧要啦。除咗刻度软尺之外，仲有软尺材质嘅美甲钻度量模版，等大家可以模拟好需要用到嘅装饰钻大细，上面甚至已经有精准到毫米嘅数值与刻度，挑选啱码数嘅装饰品制作美甲就易过借火啦 。

 　　不透明迷你软尺

　　

 

 　　美甲软尺

　　

　　

 

 

　　

　　

　　

　　便利贴纸，精致升呢

　　

　　小小指甲面积有限，如果想画上精美纹样，真係少啲功夫都唔得噶。其实想要自制精美靓甲，又唔使拜师学艺咁夸张，便利嘅转印纸就能帮到你！转印纸上印有又靓又复杂嘅图画纹样，在甲面涂好转印胶后，将转印纸覆盖在甲面，用辅助工具按压，最后涂上封层就大功告成啦。转印纸操作方便，转印出来嘅图案质感晶莹，薄透而不易破损。而追求立体手感嘅朋友仔，就可以试下更加灵动嘅浮雕美甲贴。金边郁金香、IP联名卡通人物，仲有可可爱爱嘅线条简笔画……百变嘅浮雕立体设计令指尖从此不枯燥，摸起来仲好有手感，治愈力满分。

 　　浮雕郁金香

　　

　　

 　　PREXY转印纸

　　

　　

 　　

　　转印纸透明花

　　

 　　

　　醒狮浮雕贴

　　

 　　

　　蕾丝转印纸作品