啱啱迈入2023年冇耐，农历新年也在向我哋招手啦。趁住新春佳节来临之际，Color为大家打造形象焕新计划、寻觅舌尖上的好意头，搜罗潮流新奇嘅应节好物。齐齐玩转年味，一次过把新年仪式感拉满！

　　陈祉伶/文  Color团队、品牌官网/图　　　

　　形象焕新

　　正所谓新年新气象，新春新面貌！过新年穿新衣，係中国人的传统习俗之一，既迎合喜庆的节日氛围，又承载咗大家对新一年的美好期望。今期继续有梁琤与饶子怀老师带来星级靓CLUB，输出一波贺年新装嘅高能贴士，等你换个靓靓新look，冧到长辈们利是都俾多封。仲有款式多多嘅靓con推介，等你一秒化身“电眼女神”，出席聚会时轻轻松松slay全场。除咗自己要装身，都要记得为爱宠扮靓靓啵。花臣多多嘅宠物版“过年战袍”已安排上，快啲嚟睇睇边款最得你心。

　　完美日记美瞳

　　吸猫税 新春猫窝

　　Face Titude

　　瞳昕美瞳系列

　　食得喜庆

　　对于识饮识食嘅广东人嚟讲，过年的仪式感当然少不了美味佳肴！大时大节，传统美食不能少，讲究意头嘅菜式，更係一席年夜饭上的标配。年夜饭嘅菜名，你都能跟具体菜式对得上号吗？年夜饭点解一定要有鸡？意头菜式的名堂如何得来？今期新春版《粤语课堂》，同你解画多款过年菜式隐藏的好意头。传统嘢有啲闷？咁就睇睇新潮甜品店嘅正斗出品，外有爆表颜值，内有丰富口感，自用、送礼都啱使。仲可以亲手下厨DIY网红烤生果，解锁别有风味的甜蜜，开启甜美的新一年。

 　　喜提 甜品

 　　发财就手（曾敏妍摄）

　　好物加持

　　在众多寓意辞旧迎新嘅举动中，换番本新簇簇嘅日历，更有迎接新年的仪式感。比起手机上冷冰冰的数字，纸质日历仿佛让时间更有“摸得到”嘅实感。见惯咗中规中矩嘅“数字簿”，不妨睇睇那些打破常规嘅新奇设计，一本啱心水嘅精致日历，仿佛能为细碎平凡的日子增添一抹俏皮的色彩，让新一年的每一天都更加值得期待。比起日历，利是就更加令人欢喜啦！确认过眼神，又係可以逗利是嘅好时节！务实嘅广东人唔拼利是金额，但可以拼下创意嘅：折叠设计分量足、粤式文案超生鬼、玩乐属性添新意……既喜庆又有趣嘅靓靓利是封，让逗利是的快乐更上一层楼。

 　　寓见诚品 机械手摇日历

　　抽签红包

　　策划:骆苹、曾敏妍　　

　　统筹:曾敏妍　　

　　执行:陈祉伶、郭玮、秦丽莹、黄蕾