讲到过年最开心嘅事情，当然就係逗利是啦！虽然坊间传言，广东人一直以稳健的实力，保持住全国利是钱金额垫底的排名，不过利是呢家嘢，无论金钱多少，主要都係为讲个好意头喈。为咗令呢份好意头加码，大家除咗会提前换好新银纸，仲会准备喜庆又四正嘅利是封噶！

　　陈祉伶/文  品牌官网/图

　　层层叠叠够豪气

　　四四方方嘅传统利是封，相信大家都见惯见熟啦。走精巧路线嘅可能唔够手掌大，而大封啲嘅一般就会设计成啱好放得落一张百元大钞，咁你有冇见过“水蛇春咁长”嗰利是封咧？近年兴起嘅折叠型利是封，特别设计成多卡位内页，风琴式设计，颠覆传统利是的打开方式，让拆利是呢个动作充满仪式感，更添一分趣味性。厚厚一封利是在手里超有分量感，咪理金额多少，气势上就已经赢嗮啦！而更加有气势嘅当属扇形利是封，将一封封可爱又喜庆嘅利是封做成扇叶，摇一摇，财气四溢，直接成为全场焦点。

　　巧可熊 红包扇子

 　　九木杂物社 拉伸红包

 　　你好名片 折叠式红包

　　同声同气意头足

　　为咗迎合喜庆的节日气氛，大部分利是封都会配上好意头嘅文案，传统嘅“大吉大利”“五福临门”真係太千篇一律啦，地道又生鬼嘅粤语吉利话，先係最得广东人欢心嘅专属祝福！想要简短有力，有“架势”“沓水”“醒目”等正斗形容词任君挑选，想要福气加码，“掂过碌蔗”“发过猪头”“家肥屋润”等地道俗语也千祈咪放过。趣致嘅粤语吉言，满载最真挚嘅新年祝福，同声同气，意头都足好多！送俾细路哥，仲可以就地开启一场粤语教学添，令一个利是封都咗自己嘅意义。

 　　Lacute 红包盲盒 

 　　猫魂社制贴厂 创意粤语利是封

 　　自己友 粤语醒狮封 

 　　宣祥纸品 粤语红包 

　　玩乐无穷lucky多

　　自从手机微信有咗“抢红包”功能后，一到过年，大家除咗忙住传统嘅逗利是，仲要望实手机，睇下边个群有利是抢。其实，咁刺激嘅玩法唔係手机先有得玩噶，线下版也可安排上！有啲厂牌将利是封整成细长嘅签条，一盒15签，签签写有吉利话，你可以随机塞入唔同面值嘅纸币，睇下边个係现实版“手气最佳”。无论係亲友聚会、公司团建，用嚟活跃气氛，真係效果一流噶。也可以入手以彩票为设计灵感嘅刮刮乐利是封，特设刮刮乐互动区，刮开可见超有梗的新式吉祥话，除咗利是钱，也可获得多一份幸运与欢乐。仲有品牌以创意设计打造出“会播动画”的利是封，利用多层卡片抽拉联动，在抽出红包的过程中就能睇见不断变化的图案，冧细路就最啱使啦。

 　　九木杂物社 抽签红包

 　　妙手回潮 会动的新春红包

 　　苏宁易购 吉兔派福 

 　　THINKBIG 刮刮乐利是封