广东人识饮识食又爱讲意头，平时就好钟意为满枱美味佳肴取尽吉利名字，一到过年，呢份讲究就更加表现得淋漓尽致！睇睇年夜饭中嘅每一道餸，都必须包含满满好意头，从菜名开始寄予对新一年的美好祝愿噶。睇到好意头的菜名，你又估唔估到係咩菜呢？　　

　　

　　　陈祉伶/文  

 　　  钟妲彤、夏钜恒/模特  
 　　  广州酒家、陈祉伶/图

　　

 

　　百鸟朝凤

　　

　　bag3 niu4 qiu4 fung6

　　

　　开讲有话：无鸡不成宴！在广府人的年夜饭，一味皮爽肉滑、清淡鲜美嘅白切鸡绝对不能缺席。对于鸡嘅吉祥寓意，自古就有流传。在中国传统文化中，龙、凤都係神化的灵禽，其中凤嘅形象就来源于鸡。 “鸡”字发音与“吉”相似，过年食鸡可以图个大吉大利嘅好意头，而雄鸡高耸火红嘅鸡冠，又谐音“官”，因此也有升迁腾达的美好寓意。都话冇一只鸡可以活着离开广东！话晒新年流流，“切切”声确係唔多好听，所以就美其名曰“百鸟朝凤”“龙凤呈祥”等，象征吉祥如意。

 

　　

　　红皮赤壮

　　

　　hung4 péi4 cég3 zong6

　　

　　脆皮乳猪或者烧肉，喺好多节日中都会出现，过年呢种大节日，当然也少不了佢哋的身影啦。喺广东，佢哋拥有一个十分生动形象嘅叫法——“红皮赤壮”。红皮，係指烧猪嘅表皮色泽，赤壮，则指肉质鲜红和体态强壮，呢个讲法既可有力地表达出一只靓烧猪嘅状态，又能寓意祝福家中各人身体健康、龙马精神。俗话讲“太公分猪肉，人人有份”，喺好多地方其实都仲保留过年分猪肉嘅习惯，祭祖酬神仪式过后，由家族长辈把烧猪肉分给家家户户，寓意大家一起分享祖先留下的福分。

 

　　添丁发财

　　

　　tim1 ding1 fad3 coi4

　　

　　过年团圆，家家户户最高兴嘅自然係家族人丁兴旺，所以广东人也很喜欢一道寓意“添丁发财”嘅菜品。一般会用一个用面条裹粉炸成“雀巢”状容器，然后用多种色彩缤纷嘅食材切粒炒丁，放入其中。造型别致嘅“雀巢”炸到金黄，斋望就已经好喜庆。而“雀巢”中嘅食材一般有马蹄丁、胡萝卜丁、西芹丁等素菜丁，谐音“财”，寓意招财进宝；而“丁”在粤语中，除咗表示物体好似豆咁细粒，仲有指人口咁解，所以呢味餸又被寄予“添丁”的美好祝愿。

 

　

　　风生水起

　　

　　fung1 sang1 sêu2 héi2

　　

　　

　　有鸡、有猪，年夜饭仲一定要有鱼，皆因“鱼”就谐音“余”，个个都想要“年年有余”嘛。除咗原汁原味嘅蒸鱼，广东人也爱食顺德鱼生。将鱼生与佐料一起拌匀食，呢个动作通常被叫作“捞起”，而在粤语中，“捞起”通常也指“混得不错”“捞得风生水起”。过年食下呢道捞鱼生，大家筷子将盘中菜料反复高高夹起拌匀，一边捞一边大声合呼“捞起！”以期盼风生水起、越捞越旺的好未来。捞鱼生一般以生鱼片为主食材，搭配七彩缤纷嘅蔬菜丝，除咗追求口感，配菜也会被冠以吉利讲法，例如红萝卜代表“鸿运当头”、青瓜丝代表“青春永驻”等，保证啖啖都係好意头。

 

　　步步高升

　　

　　bou6 bou6 gou1 xing1

　　

　　

　　每逢春节，各类糕点也係广东饭枱上的常客。以往过年前，家家户户都会自己整糕、蒸糕，蒸糕时，蒸汽冉冉上升，寓意“蒸蒸日上”，而糕字又谐音“高”，寓意“步步高升”。唔同地区钟意嘅糕点种类也不同，一般有糯米年糕、萝卜糕、芋头糕、马蹄糕、松糕等。有好多商家仲会将年糕做成鲤鱼形状，寓意年年高兼年年有余，真係好难拒绝呢份双重好意头咯。虽然话呢啲糕点，如今在日常茶市也能随便吃到，但在春节期间，唔少家庭都係会备番少少嚟应节，该有的仪式感都係要有嘅。