近段时间，“围炉煮茶”突然风靡，与之搭配嘅烤水果亦成功惊艳咗一班“为食猫”。在天寒地冻的季节里，生冷水果经过烤制后，变得暖笠笠之余，更加香甜爆汁，别有一番风味噶。Color诚意奉上4种烤水果做法，喺过年聚会会友、亲友埋堆嘅时候，最啱一起排排坐、烤果果！

　　陈祉伶/文 黄芷晴/图

　　有金笸“萝”

　　菠萝热食其实都唔算好新奇啦，毕竟广东嘅朋友仔真係经常食到有菠萝嘅菜肴，好似经典粤菜“咕咾肉”、具有东南亚风味嘅菠萝炒饭等。所以如果初初尝试烤水果，不妨就从菠萝开始入手，制作嘅“翻车”机率极低，大家嘅接受程度又相对比较高。烤制过嘅菠萝不但甜味增加，果香也会更浓郁。如果烤制前多裹一层糖浆，菠萝表面仲能烤出微焦嘅样子，外表酥酥甜甜，内部绵软多汁。

　　①将菠萝切成三角形嘅小片，片得越薄，越容易烤脆，可根据喜欢的口感选择厚度。

　　②烤制之前，在菠萝表面淋上一层蜂蜜，或者撒上一层白糖。

　　③ 选择烤箱或者空气炸锅180℃，10-20分钟，中途记得暂停翻面。

　　“苹”安喜乐

　　如果要问边个係烤水果界嘅YYDS，烤苹果绝对当仁不让。烤苹果嘅食法在西方国家已经流行多年，係知名动画《樱桃小丸子》中都出过镜嘎，係道相当经典嘅甜品。苹果本身比较脆硬、富含酚类物质，维生素C并非其营养亮点，所以加热食用，营养损失不大。烘烤过嘅苹果肉变得柔软香甜，又依然保留少许纤维口感，中间保留咗丰富嘅果汁，真係睇见都流口水。

　　①准备一个圆润饱满嘅苹果，在顶部挖一个窿，去掉中间的果核（但不要挖穿底部）。

　　②在挖空的苹果里塞入黄油、糖和少量肉桂粉，再裹上锡纸，送入空气炸锅，用200°C 烤30-40分钟。

　　③出炉后打开锡纸，用匙羹轻轻刮下果肉，即可享用美味，小心咪焫亲嘴啵。

　　食得“蕉”积

　　香蕉营养丰富、甜香可口，剥皮即食又冇核，是水果里面最贴心嘅选手之一。不过，遇着天寒地冻，要冻冰冰咁食落肚，美味始终大打折扣，呢个时候不妨试下烤香蕉啦！烤完嘅香蕉肉口感更加软糯，轻轻一扯，金黄果肉仲微微有啲啲拉丝，见到都食欲大增。如果你係十足嘅“嗜甜星人”，建议你烤之前再加些蜂蜜或者白糖，食落有几分似蜜薯，每一口都係冬日最好的慰藉。

　　①不要选用口感太糯或者熟透嘅香蕉，啱啱熟嘅就最合适。

　　②香蕉带皮对半切开，抹上一层黄油，根据个人口味，选择是否涂蜂蜜或者撒白糖。

　　③选择空气炸锅180°C 烤 10-15 分钟，但要时刻关注，避免烤燶。

　　“柑”银满屋

　　成只柑橘带皮烤，呢个操作听落有啲似“暗黑料理”，其实，呢个食法係好多朋友仔嘅童年美食嚟噶。喺好多地方，仲会将烤柑橘当作缓解风寒咳嗽嘅食疗偏方，止咳效果就因人而异，但作为美食，烤柑橘还是很受认可嘅。经过烤制嘅柑橘，就好似变成大号香薰，飘散出甜甜哋嘅果香，令空气都特别清新、迷人。烤完要小心剥开果皮，果肉香甜爆汁，入口即化，一秒打开味蕾新世界。

　　①尽量拣果皮较薄身嘅柑橘，冲洗干净外皮，讲究啲也可以用盐水浸泡清洗。

　　②直接放入空气炸锅，用180°C 烤 15-20 分钟。

　　③柑橘嘅大小会影响烤制所需时间，要经常翻看，烤制至表皮微焦即可出炉。