天气寒冷，揽住个暖水袋都觉得赤赤冻，不如睇翻部热血冒险番燃烧你嘅“中二魂”啦：常规“龙傲天”打怪升级走向人生高光时刻、无厘头搞搞怪怪冒险队、成世都在say bye bye的“不死”人、静鸡鸡拍拖嘅小情侣……唔知边个类型係你最pick嘅呢！

　　秦丽莹/文 官方剧照 海报/图

　　

　　“丑仔”变赢家

　　《真·进化之实 踏上胜利的人生》第二季消息刚出，漫友们都好震惊：点解佢“烂”到五分都可以有续集，而节目组就话呢季有料：男主角“柊诚一”鬼使神差喺奇幻世界吃咗谜之果实，get到开挂ace新技能，空降巴巴多尔魔法学园做老师，佢嘅任务係调教问题少年，过程中被坏人盯上，一场生死之战就咁take action。“衰肥丑”进化成“强fit帅”已经係真·胜利，做任务嘅过程鬼马又爆笑就係俾大家嘅惊喜，但fans最在意嘅仲係，第一季女主变咗大猩猩，如果编剧继续放飞自我，呢一季係米就会上演“人猩情未了”？

　　

 

 

 

 

　　“离别”太催泪

　　《致不灭的你》第二季中，世界因为“叩门者”嘅攻击再次陷入困境，主角“不死”除咗要迎战宿敌嘅日常骚扰，仲要被好多麻烦事缠身，而在同哈亚瑟后代嘅相处过程中，原本无欲欲求嘅“不死”竟然慢慢feel到情感。上季结局嘅一句“永远不要忘记我”延续到新一季，“不死”颠簸的人生亦因为呢句话变得感人起来。《致不灭的你》系列擅长将难舍难离嘅感情升华，分镜同对白都从小细节渗透出呢份情绪，大家可以从剧情中感受到“离别”嘅无奈与不舍，係一部值得大家思考嘅催泪番。

 

 

 

 

　　

　　“虐恋”到爆笑

　　前段时间，《苍兰诀》真人版电视剧大火，主角亦因此成为大热，平台即刻趁热打铁推出动漫版，果然收获好评！延续真人版嘅“互换身体”tag，动漫版中嘅男女主角继续玩“灵魂交换”，因为逃跑过程中小兰花嘅仙身被拍死，两位被迫共用一身，相处过程中摩擦不断，导致爆笑情节环生，两人更因此产生情愫、堕入爱河……比起真人出演，动漫版在特效上会更夸张，剧情更无稽搞笑，大场景打斗更令人觉得神乎其技，有时睇到漫友走晒神，忘记佢係一部定位伤感嘅“虐恋”剧本。

 

 

 

 

　　“成仙”励志路

　　因为特效精细而出名的《星辰变》，已经更新到第五季，角色嘅中式古风造型，同修炼进化嘅剧情，满足晒各位仙侠、武侠爱好者嘅口味。新一季中，男主羽化飞仙进入魔妖界，喺闯荡战斗嘅过程中迅速成长，主题“万年与共，百战成神”暗示咗今季将会上演粉丝期待已久嘅“飞升上神”名场面。呢个有血有泪的冒险故事，大家可以睇到主角由普通人一步步努力修炼成强者，以此激励现实的自己，带住梦想与希望，努力过好每一天。