日常都有化妆的朋友，唔单止要选啱自己、用起身顺手的化妆工具，仲要经常清洗，保证佢哋足够干净。因为化妆工具係直接同化妆品、我们的肌肤“贴贴”的，化妆品残留在工具上，日积月累再同肌肤接触，容易引起过敏、皮炎等皮肤问题，咁就得不偿失了。现在生活越来越精细，连化妆工具都有咗自己的清洁器，自动、手动任君选择。快啲嚟帮佢哋“洗白白”啦！

　　郭玮/文 品牌官网/图

 

智能全自动

 　　 现在科技发达，咩都可以搵智能的工具帮手。智能化妆刷清洗机其实就係一个水杯大细，唔会占用太多地方，带出门用亦都方便，佢的杯盖位置设有刷头固定位，普通size的腮红刷、散粉扫等工具都可以固定，在杯身加入清洁剂后揿掣开机，清洗机就会用高速旋转、高频振动的方式，帮你洗干净啲工具。有的清洗机，仲负责埋甩干业务，令刷刷们更快干透，快啲归位；唔少牌子的化妆工具清洁机，增加了UV紫外灯光珠，清洗同时除菌消毒；有朋友仔仲发现，小朋友玩的迷你仿真洗衣机仔，都可以用嚟洗美妆蛋、粉扑哦，好玩得意又实用。

 

 

 　　迷你洗衣机洗粉扑

 　　TC002超声清洗机

 　　COS化妆刷清洗器高速旋转刷头

自力可更新

 　　  如果想更节约成本，手动式的清洁工具也有很多选择的。硅胶可折叠的清洗盘，表面有凹凸起伏的粗粒子，有“搓衣板”的效果，方便大家通过轻摩擦清洁化妆工具。而且，呢啲粗粒子仲有唔同大细形状，适配不同化妆刷的大小，折叠的盘边可以立起，小盘即刻变深，增加储水量，用嚟浸泡美妆蛋等工具就fit晒。洗干净的工具需要彻底晾干，迷你晒衣篮就最贴心，细细个size唔占地方，大细啱好够平摊咁安置化妆零碎工具，趁艳阳高照的时候，就拎佢哋出去晒个日光浴，用天然紫外线杀菌，干得劲快、劲彻底。化妆刷干洗海绵都方便好使，眼影刷呢种只和粉剂打交道的化妆工具，用干洗海绵摩擦一下，就即刻干净晒。

 　　格蒙化妆刷清洗盘

 　　化妆刷干洗海绵

 　　琴制清洁套装

 

“小助手”加分

 　　  如果你觉得清洁器的清洁力度仲唔够，可以用清洁剂帮清洁加加码。现在，每款化妆工具都有适配的清洁溶液，有专for杀菌除味的，又有深层洁净款，功能、香味等都任君选择。如果唔想另外购买清洁剂，又可以用我哋日常使用的清洁用品代替的。例如，卸妆水可以浸洗美妆蛋、粉扑，先用佢溶解化妆扑的残留粉底液，然后再加少少沐浴露挤压搓揉，晾干之后就又係新嘅一样！因为好多刷类化妆工具都会用动物毛制作，清洗的时候其实可以用洗发水洗，佢唔单止去油，仲可以柔顺毛质，洗完晾干唔怕毛毛变硬毛燥，仲会带有清新香气添。

 

 　　大创粉扑清洁剂

 　　MERBATSY清洁皂