除了街头美食，仲有两家店值得我哋专门探访，佢哋个名大路到你以为唔係店名，但偏偏就好多明星造访，令你十分好奇。呢家叫“街头火锅”的台式火锅店，就係香港明星艺人都中意嚟打卡的店，火锅底靓料俾到足，食材又新鲜，仲有好特别嘅小食佐餐，营业至深夜，客人依然络绎不绝。

　　郭玮/文 何崇仪/图

　　 极品一刀

　　火锅店嘅老板每日都会亲自选购新鲜嘅食材。虽然係台式火锅店，其实都有经过改良，迎合返香港人嘅口味，备咗清淡、微辣、浓郁等多款汤底俾你拣。杏汁猪肺同浓稠花胶鸡汤双拼鸳鸯锅係最受欢迎嘅，清热凉肺又滋润美颜，老少咸宜。喺落食材烫煮之前，建议你先试一碗原汁原味嘅汤底，杏汁鲜甜、花胶黐嘴，咁靓嘅汤料食过都返寻味，用呢啲靓汤做底嘅火锅，味道绝对冇得输。店里的招牌“极品第一刀”一定要试，每只猪的猪颈肉同梅头中间，第一刀切落去嘅肉肉油脂最均匀，喺清汤中轻涮几下，就可以品尝到最爽滑嘅猪肉，油花恰到好处，蘸上特调嘅酱料更加回味无穷。同样值得一试嘅，有爽脆牛百叶、弹牙鱼蛋、厚切牛舌……每样食材都可以成为呢趟火锅之旅嘅代表作。

　　得意小食

　　同平时嘅火锅店有少少唔同，呢度会提供特色小食俾大家打个牙骹。臭豆腐嘅臭味藏于豆腐芯内，未咬开焦脆嘅豆泡皮时，口中已满是油香，咬破豆腐芯，特有嘅豆腐臭味即刻上头，令人又爱又恨；鬼马油炸鬼偏油腻少少，但蘸上老板特调嘅泰式酱汁，解腻又开胃。长洲限定嘅白鱼蛋，气势十足嘅铜锅牛肉面，都係在台式小食基础上改良，港台风味都有晒。有咁多得意嘅小食，就一定有个得意嘅老板——老板好中意同你推介佢哋嘅镇店好物雪花清酒，咋看平平无奇，但酒瓶倒转，原本沉底嘅酒料就会如雪洒落，好似水晶球咁浪漫。

　　明星都爱

　　话係街头火锅，实际唔喺街头，而係位于铜锣湾嘅街铺二楼。家店好易认，入门就有吸引大家打卡嘅照片墙，喺上面密密麻麻的拍立得里面，你会睇到曾比特、胡鸿钧、蔡洁等好多Color嘅friend，都曾经嚟帮衬过。有咁多明星嚟加持，会不会係你消费唔起嘅价钱？其实又唔係哦，食材选择都比较多，价钱丰俭由人，整体性价比都几高噶！