电视剧《一舞倾城》上线，大家就俾里面灯红酒绿、华丽奢靡嘅画面吸引，剧中的靓女晚晚都要穿到靓爆镜，相当养眼。虽然故事背景嘅喺八十年代，但入面嘅靓look造型元素，放喺今时今日嘅潮圈中依然好出色，帮你夜蒲扮靓打晒版。

　　郭玮/文

　　《一舞倾城》剧照/图

　　牛仔busy

　　无论边个时代，牛仔元素都係穿搭法宝，唔会轻易过时。尽管佢係从劳动工人嘅工作服中演变而来的，但却有一种神奇魔力，可以令自己从“万国城”各种磢镜靓衫中脱颖而出。洗水做旧嘅渐变牛仔色，复古、怀旧有岁月蹉跎嘅味道，靛蓝嘅单宁牛仔就襟新醒神，俾人活力满满嘅即视感。喺争芳斗艳嘅夜场上，女主角穿上修身吊带牛仔背心，尽显身材曲线与最有魅力嘅天鹅颈与锁骨，将自己嘅个人魅力发挥得淋漓尽致。呢件衫布料虽少但牛仔布够厚实，小露性感但唔会太暴露，令人观感舒适。牛仔外套中性百搭，女孩子会好有型，下半身可以搭配长裙、短裤，各有千秋，同T恤叠穿或者单着都会有唔同嘅感觉。男士搭配牛仔就随性有干劲，牛仔上衣同一样色系嘅牛仔裤衬成套装，即刻年代感翻倍，插袋、扮chok就原地变“华弟”，成为风靡万千少女嘅梦中型男。

　　少女pink

　　无论在什么场合，少女系穿搭一定唔可以缺少嘅元素就係粉色。夜场新秀KK登场嘅时候，一袭粉嫩pink pink纱裙瞬间吸引大家注意力，穿出纯情、禁欲、娇羞嘅感觉，charm到在场男士魂都飞埋。“细细粒”嘅玫红纱裙就够晒亮眼，显白活泼嘅配色将佢“百变小魔女”嘅形象诠释得好到位。粉色系的女仆装带俾观众惊喜，粉红搭配白色，减龄绝配，加埋唔过膝嘅短裙设计，穿上就冇人在意你嘅年龄身高。有粉色元素装身，单眼wink、“手指枪”，美少女战士造型狙击人心。

　　Sharp就赢

　　剧中靓女如云，个个为咗抢镜出尽法宝。大露肩显事业线，超贴身晒小蛮腰，最犀利嘅就bling bling的质料，会睇到你眼花缭乱！加入宽肩、高腰、连体等时尚元素，呢啲服装就算放喺今时今日都相当炸场。想展现自己的年轻和张扬，你可以选择红、绿色系嘅小亮片的服饰，一定令人过目不忘。觉得闪服纯金嘅颜色容易显得俗气，咁就係在中间用黑色中和，喺保留金属感硬朗嘅基础上，有露肩显腿嘅设计，一条黑金系靓裙，令人气场倍增。纯色嘅闪片，饱和度降低的色彩，低调但不至于变成“小透明”，可以俾人更加知性嘅感觉。