同一单案件，遇到唔同嘅人同环境，结局能否有反转？从旁观者角度睇同一件事，会唔会令你有新嘅睇法？婚姻之后，不同的人生际遇……人性唔好随便考验，但我们可以在电视剧中，以不同视角去观察生活，引出故事，亦引出思考。

　　郭玮/文 剧照、海报/图

　　《隐门》：探案中找一道光

　　监制王心慰最拿手嘅，就係展现人物命运，呢部剧中角色成长与结局逆袭，就成为该剧最引人入胜的地方。剧情由一单持械抢劫金铺案开启，30年后，各种恩怨又被掀起，错误嘅事情层层叠加，大家要搵到隐藏嘅“门”，先可以揾到光明的路。喺《隐门》中，“大马视帝”陈展鹏会同“双女主”搭档：平时演开强悍madam嘅黄智雯，今铺化身成为柔弱女子，係被爸爸虐、被自己虐嘅悲惨角色；汤洛雯则化身女警，串起成个剧情始末。“老戏骨”吴岱融再次饰演大反派，剧中有多幕虐打黄智雯嘅情景，因此导致智雯嘅角色精神分裂、激发复仇心。黄智雯回忆拍摄时，觉得自己当时喺崩溃边缘游走，讲讲下更会眼湿湿。

　　《旁观者》：上帝视角睇人生

　　患有“高敏症”嘅女警对光线、声音、甚至他人情绪都高度敏感，导致自己长期处于紧张状态，但帮到佢破解案件难题。佢好似一个城市嘅“旁观者”咁，观察周边嘅一切，暗暗剖析他人的内心世界。佢喺舒缓自己压力嘅时候，认识到投契嘅另一半，佢哋会从此两情相悦，定係按照套路陷入未知谜团……“家嫂”王敏奕搭档重返电视框嘅周柏豪 ，有吴若希、连诗雅等近期热度好高嘅歌手兼演员参演，斋睇演员颜值，呢部剧可以攞满分，演技方面亦令人期待，不过剧情略有压抑，需要大家思考下人生。《旁观者》的拍摄，大部分安排係深水埗旧街区，呢个地方够市井，令人更容易产生共鸣。据闻电视剧已经完成后期制作，有望今年内开播。

　　《婚后事》：戏内戏外有故事

　　婚姻是幸福的开始，还是爱情的坟墓？好多人都会为此迷惑。《婚后事》从“离婚”“不忠”“错爱”“修复”四个角度，向观众展示婚姻，直视人性中嘅暗处，情节相对暗黑。首次担正嘅陈自瑶，曾获得TVB“最佳女配角”奖，演技可圈可点，今次係佢时隔20年再次搭档罗子溢演CP，再续《缺宅男女》情缘，看点满满。从早前嘅探班剧透中可以见到，陈自瑶有性感装扮、大尺度演出嘅戏份，好身材、魅惑情绪非常吸睛，加之佢自身自带嘅故事性，令大家对佢呢个角色充满期待。剧中仲有黎诺懿插足男女主嘅感情，加上精神出轨等剧情，七国咁乱的感情线特别适合中意猎奇嘅观众口味。