黑胶唱片的复兴，满足了当下唔少年轻人对于收藏的热爱。但毕竟唱片发行会限量，睇啱嘅又唔一定淘得到。既然係咁，不如试下用粘土自制一个NFC小唱片啦，只要将钟意的音乐设置好，随时随地用小唱片贴一贴，手机就可以播歌啦！

　　饶禧/文 吴雨晨/图

　　贴贴就听得

　　想要“贴贴”就听歌？一块小小的NFC芯片就可以帮你实现。在网上购买一张NFC贴纸后，根据网上的教程将想要播放嘅音乐设置快捷方式，近距离扫描后，再次贴上手机就可以轻松弹出音乐页面啦。有咗高科技涉猎，我哋可以在唱片上放胆发挥，既可以将自己钟意的音乐封面copy到粘土唱片上，又可以根据自己的想象，绘画出独一无二的唱片封面。制作完成，你仲可以将唱片挂喺包包做装饰噶！

　　入门易上手

　　大家想自己制作各种可爱得意嘅造型，通常可以选择用石塑粘土，因为佢重量轻，好似橡皮泥咁柔软，上色十分自然，唔需要烘烤，特别适合新手。粘土做好造型知后，要直接放喺空气中自然风干，好难避免晒干后会出现干裂。因此，制作前就要记得充分揉搓粘土，遇上粘土变硬，就要及时喷水湿润一下。如果出现裂缝，大家亦唔需要太紧张，我哋可以用棉签湿少少水，涂抹在裂缝处，再用牙签慢慢填充胶水，晾干就睇唔到裂缝啦！万物皆可diy，掌握呢啲小tip，尽情捏出自己想要的形状啦！

 　　NFC芯片

　　唱片加载中

　　1 准备好要用嘅材料和工具：粘土、塑料刮刀、亚克力管、12色颜料等，如果怕麻烦，可以成套购入，方便快捷冇甩漏。

　　2 取少量粘土，充分揉搓成两团差不多大小的球。

　　3 亚克力管压平两团球，再用瓶盖按出两个同等大小的圆饼。

　　4 将提前设置好的芯片放入圆饼中间，用沾湿的塑料刮刀沿住芯片边缘扫过，增加粘性，注意避开碰到芯片的中间。

　　5 将两个圆饼合并，再用抹刀小心的将边缘磨平，注意用力均匀，以免破坏圆饼平整。

　　6 最后再用比圆饼细啲的瓶盖，为佢打造一个唱片形状，等自然风干后就可以根据自己钟意的搭配上色啦。

 　　最后成品