风吹桂花香，抬头梨已黄，当季美味嘅香甜桂花和清甜香梨已经“出炉”啦！桂花搭配雪梨，可以制作出好多沁人心脾嘅好滋味，“美食家”们仲唔跟住Color整翻杯来招呼班friends，既可以搭配糕点清肠消滞，又可以润燥补水，简直一举两得！

　　黄译萱/文 吴雨晨/图

　　桂花梨香拿铁

　　将桂花梨香加入浓郁嘅咖啡液中，浓烈嘅咖啡香加入咗几分秋天嘅甜蜜，俾人温暖嘅感觉，就完成咗呢杯桂花梨香拿铁啦。呢份秋气嘅甜蜜，来自新鲜清甜嘅当季秋月梨汁，亦来自同牛奶混合嘅香甜桂花蜜。聚会时，准备一杯畀朋友，齐齐回味暖秋嘅香甜啦！

 　　成品

　　1、将新鲜的梨去皮切块，放入榨汁机或者破壁机中打成汁，用滤网过滤掉果肉渣，就可以得到一杯清甜嘅梨汁。

　　2、往杯中加入桂花蜜，涂啲桂花蜜上杯面整出挂壁效果，加入10g啱榨好嘅梨汁，再倒入150g嘅牛奶用来做拿铁嘅底，轻轻搅拌把梨汁、牛奶与桂花蜜充分融合。

　　Tips：钟意饮冷饮嘅朋友，可以喺加梨汁前放入冰块哦！

 　　挂壁

　　3、制作一份浓缩咖啡，慢慢将咖啡液倒入杯中，一杯秋意拿铁就完成啦！

　　Tips：钟意“云顶”嘅朋友可以加上一层奶泡，增加饮品嘅层次和口感。

　　桂花小吊梨汤

　　天气渐渐变冷，空气越发干燥，来一杯号称饮品界“补水面膜”嘅桂花小吊梨汤，暖粒粒嘅甜梨汤，搭配清香桂花和软糯银耳，畀你秋天最好嘅滋润，好适合整返一煲，同家人朋友一齐饮。

 　　成品　

　　1、准备20g干银耳，加入淀粉浸水30分钟。

　　Tips：出水后要摘去根部，切成小朵，记得越碎越容易出胶！

　　2、梨去皮后切成小块，再准备好30g冰糖、5g枸杞和些许桂花蜜。

　　Tips：梨皮不要扔，有佢先可以煲出清香、浓稠嘅梨汤。

　　3、养生壶先加入清水，煮沸后放入银耳，中火煮到银耳变软。再依次倒入梨块、梨皮、冰糖、枸杞继续煮20分钟。煮至水量减少三分之一时，再加入桂花提香，一碗桂花小吊梨汤就出锅啦！

　　桂花秋梨冻

　　准备秋游野餐嘅朋友仔，呢款颜值超高的桂花秋梨冻就啱晒你啦！上层係入口清甜嘅嫩滑果冻，下层由晶莹剔透嘅果冻包裹住酸甜多汁嘅秋梨果肉，散发着淡淡桂花香。搅一搅、冻一冻就可以轻松拥有Q弹嘅秋日小甜品，快啲安排！

 　　成品

　　1、一个梨切成粒放入煲中，加入水、蜂蜜搅拌均匀。煮至沸腾后，立即倒入50g白凉粉搅拌，然后盛入杯中静置3小时，梨肉果冻就完成啦！

　　2、煲中加入水和茉莉茶包，煮出茶色后，倒入桂花蜜。煮至沸腾后，立即倒入25克白凉粉搅拌均匀，倒入球型模具静置3小时，出来嘅就係上层嘅桂花果冻。

　　3、两层果冻都凝固后，把茉莉桂花球果冻脱模，放喺梨肉果冻上面，再淋上些许桂花蜜，就可以开始享用啦！