伴你“童”行

　　策划：骆苹、曾敏妍

　　统筹：曾敏妍

　　执行：郭玮、黄译萱、饶禧、王慧诗、张子殷、秦丽莹、汤唯闻、吴雨晨

　　儿童节又来啦！年少时，充满活力的打扮、天天不离手的游戏机、打开DIY新世界的儿童节目，佢哋并没有停留在过去，而是跟着我哋不断upgrade，继续成为我哋生活中的快乐因子。在爸爸妈妈眼中和口里，我哋依然係成日得得敕嘅“百厌星”……岁月如梭，童趣不变。

　　喺大家细细嗰阵，有冇同你一起茁壮成长嘅“小玩伴”：挂喺书包上嘅电子精灵，每日帮佢淋水嘅盆栽，捧喺手心嘅机器人玩具……依家，呢啲童年“玩伴”又出现了！佢哋全面升级，为我哋延续童年嘅快乐！

　　黄译萱/文   饶禧、品牌官网/图　　饶禧/模特

 　　Tamagotchi Origin

　　宠物精灵跳出来

　　电子宠物精灵，相信是唔少朋友仔的童年乐趣之一。当年，电子宠物机只係一个巴掌大小嘅蛋形机器，通过LCD黑白像素屏显示画面，佢帮大家实现咗拥有一只宠物嘅愿望，令小朋友体验到精心呵护嘅乐趣，仲可以交到好多朋友，难怪成为学校门口小卖部风靡一时嘅潮流配饰。现在，电子宠物机已经完成从黑白到彩色、从单机到联网、从揿掣到触屏嘅全面升级，蛋型机器亦变出咗好多唔同嘅形态。全新交互式“Bitzee电子宠物机”就最为特别，除咗外观变成咗四方嘅盒子屋，佢仲可以通过柔性显示屏，让宠物精灵变成可以触摸嘅立体影像。打开好似宝盒咁嘅电子宠物机，投影出企喺盒中嘅宠物精灵，你可以轻点显示器抚摸佢，又可以摇晃盒子同佢玩。盒中总共15只宠物精灵，当每只精灵进化到终极形态时，就可以解锁一款惊喜游戏，云养电子宠物精灵嘅体验都升呢咗。

 　　Tamagotchi pix

　　智能盆栽识撒娇

　　种花生、种番茄、种仙人掌……植物係好多小朋友学习呵护生命的第一步，从种植的过程中，体验生命力的顽强和奇迹。直到我哋长大，依然中意喺自己嘅工位上养绿植。随住高精度传感和智能算法技术嘅升级，植物“居住”嘅花盆更得更加智能。“Ivy智能花盆”通过湿度、温度、光照、水位、触摸等7大传感器，实时检测植物嘅生长数据，再转化成表情话俾你知，并且会提醒你淋水、遮光，再粗心嘅朋友都唔使担心将植物养坏。把智能盆栽放喺办公桌面，佢会通过震动向你撒娇并求关注，让忙碌嘅你适时抽身，同佢互动、放松下自己；如果将智能盆栽连接上手机，就算唔喺佢身边，都可以睇到佢嘅状态，同指定家居装置连接后，仲可以摸摸植物叫佢帮手关灯，好似养咗一只真嘅宠物。

 　　Ivy智能花盆

　　机器人宠物陪住你

　　人人都想好似大雄一样有个“多啦A梦”。唔单止作为玩伴陪伴自己，佢仲可以有五花八门的法宝，保护陪伴你、帮你完成心愿。依家，呢种机器人宠物已经出现，仲玩出更多花臣。搭载人面识别、人工智能等技术嘅“EMO机器人宠物”拥有自主学习嘅能力，佢可以好似小动物咁喺枱面上行来行去，跟住你探索周围的环境，同你逐步建立亲密关系；亦可以充当桌面助手，帮手开灯、替你影相、同你倾计，或者用音乐、舞蹈和小游戏帮你“充电”。佢都有自己嘅喜怒哀乐，而且会显示喺面上，你唔好激嬲佢啊。“LOOI机器人宠物”同样配备咗人工智能技术，可以同你交流互动、辅助你完成工作。而最特别嘅係佢嘅外观，把手机当作头部，由移动支架组成身体部分，令机器人宠物马上有咗“灵魂”。

 　　LOOI Robot

 　　EMO Robot