一首《高山低谷》，将Phil林奕匡送上“新城劲爆”、上埋“叱咤乐坛”，众星翻唱呢首作品，皆因佢唱出人生高低起落，唱尽胜不骄嘅谦虚与败不馁嘅坚强。Phil做客班马直播间，同我哋分享佢入行14年嚟走过嘅“高山低谷”，经历过“贵族游戏”“街角游记”，方知脚下路程难以削短……

　　郭玮/文  秦丽莹、受访者提供/图

　　俯瞰我的疲倦

　　对新歌《波希米亚（没有）狂想曲》，Phil斋睇到歌词就深深沦陷了。对这首歌嘅MV，佢更係精心打造，邀请到《白日之下》与《少年日记》两部电影嘅男主角，出演自己唔同阶段嘅形象，Phil觉得係好难得嘅经历。而佢自己亲身出演嘅镜头，亦花咗唔少心思：用颜料弹投掷身体，比喻世间流言蜚语的攻击。为咗令出街嘅画面chok啲，佢直面颜料弹嘅攻击，需要强大嘅心理建设，令自己keep住面部表情，对佢嚟讲係一个好大嘅挑战。最后Phil 都被掟到全身淤伤，不过最终嘅作品相当惊艳，令Phil觉得几咁辛苦都係值得噶。

 　　新歌封面

 　　MV剧照

 　　MV人物

　　努力“造人”未怕气喘

　　前排趁住“父亲节”，Phil开心share自己升呢做“爸爸”嘅喜讯。喺“班马”再提起呢件事，Phil依然相当兴奋。Phil大大方方话，希望自己嘅小朋友未来健康快乐咁成长，唔想设定太多限制畀佢，又话已经未雨绸缪，谂咗好多十几年之后嘅计划。尽管佢觉得做歌手要经历好多“高山低谷”，但佢都静鸡鸡咁喺胎教中放入小心思，希望小朋友未来对音符、节奏敏感啲。佢话：“我以前冇咁嘅条件，但希望小朋友依家有呢个机会，就试多啲。”作为准爸爸，Phil觉得自己责任心重咗，佢希望喺BB出世之前，完成多啲工作嘅“to do list”。

　　脚下路程难以削短

　　入行14年，自己有今日嘅成绩，Phil话完全超出咗佢嘅想象。佢好感谢自己第一个音乐老师，以及一直支持自己嘅歌迷。《高山低谷》係Phil音乐事业上嘅转折点，因为呢首歌佢摞咗好多奖，但佢又惊大家讲起“林奕匡”嘅时候，只会谂到呢个作品，所以依家嘅佢努力创作更多好歌。经历过“低谷”，Phil依家好珍惜机会，除咗音乐，佢对其他领域嘅工作都唔会抗拒。如果要畀自己一个定位，Phil觉得自己首先係一个歌手，其次亦係一个普通人，佢希望自己再少啲偶像包袱。同《高山低谷》嘅歌词一样，迈向成功嘅路程难以削短，所以佢会不断努力。佢好快就要喺广州举行“高山低谷10周年”演唱会，大家不妨一起去现场感受下。