碳水令人快乐！碳水化合物係主要嘅供能物质，可以让大脑神经元释放多巴胺，调节情绪，使人安定、平静。喺忙碌工作间隙，行入便利店，你会想食翻杯滚热辣嘅即食面，定係一个饱肚满足的饭团咧？新时代潮人唔做选择、全部都要，一齐潮“碳”美味啦。

　　郭玮/文  饶禧/图　

　　“选择困难”克星

　　前几年爆火嘅“马克定食”，最近翻红。呢款食物，就係韩团GOT7成员Mark段宜恩嘅粉丝发明嘅 ，当时佢哋just希望自己爱豆嘅名字搜索量排名更前，所以就将呢款便利店食物命名为“马克定食”，后来大家试食之后，发现佢非常美味值得推介。马克定食中加入咗拉面、年糕、饭团三种碳水主食，用满满芝士调味，真係碳水含量超高，热量爆棚，而试过嘅人都觉得佢有令人愉悦嘅魔力，可以为打工人注入醒神能量。便利店内拉面、年糕，款式、口味各有差异，大家可以根据自己嘅喜好，选择不同的搭配，再加入肠仔、蟹柳、鸡蛋、肉串等便利小食，口感丰富，成为咗便利店美食嘅隐藏菜单。

　　分量自己话事

　　马克定食的配料好多，混合一齐食口感丰富，所有配料的份量可以自己调配，够饱肚又唔会太滞，芝士落多啲就奶香更浓，中意清爽就放少啲，睇你自己的喜好来调整就得了。可乐君帮大家简单示范一下：

　　1、火鸡面铺底，拆开年糕包装倒入，再加入捏散的饭团。

　　2、将蟹柳棒撕碎，铺于碳水组合上面，再将小香肠沿容器边缘放入，填满罅隙。

　　3、倒入酱料，铺上芝士片，加入适量滚水冲泡3分钟。

　　4、微波炉加热3分钟后，搅拌均匀即可食用。

 　　成品

　　齐哇哇来测评

　　Color君做嘅呢款马克定食，按足配方要求，集齐3款碳水化合物，用芝士嘅奶香中和火鸡面嘅辛辣，咸香微辣。依家就揾可乐生活采编团队一齐来测评下！

　　Qin：我以为面条加米饭好“黑暗”，原来米香同面香咁啱key。

　　禧禧：碳水世一！一次过满足我三个愿望，选择困难症瞬间医好嗮。

　　Aggie：便利店帮我实现cheese自由，每一啖都拉丝，每一口都奶香浓郁。

　　牛牛：每条拉面上都有香软米饭包裹 ，口感特别软糯有嚼头，年糕喺重芝士嘅包裹下更加滋味，同米面一起入口，糯、软、烟韧三重奏，非常之有满足感。

　　Color提醒：马克定食高碳水、高能量，容易令人有饱足嘅快乐，但同时亦容易令血糖快速升高。偶尔放纵食用可以愉悦身心，但唔好成日暴饮暴食，注意均衡饮食先可以快高长大噶！