过年啦、过年啦！今年有“视帝”陈山聪陪你过大年，粤式好话助你行大运，年头好运到年尾。事不宜迟，开讲！

　　郭玮/文   秦丽莹/图  陈山聪、郭玮/模特

　　行运行到脚趾尾 

　　haang4 wan6 haang4 dou3 goek3 zi2 mei5

　　呢个词係形容人运气极好嘅意思。脚趾尾一般就指人脚嘅小拇指，连小拇指都充满住好运气，想唔行都唔得啦。有时候大家亦会讲“行运行到脚趾公”，意思係一样嘅。

　　造句：台庆大party，山聪抽到终极大奖，真係行运行到脚趾尾啦！

　　捞乜都掂 

　　lou1 mat1 dou1 dim6

　　呢个词用来形容人无论做咩事都能够成功。喺粤语里面，“捞”有谋生、干活嘅意思，而“掂”就有成功、结果满意嘅含义。凡事都OK晒，真係好啱做新年祝福噶。

　　造句：演戏又叻，唱歌又掂，连跨界做生意都风生水起，阿勇真係捞乜都掂。

　　靓到爆镜

　　leng3 dou3 baau3 geng3

　　镜係用嚟整理仪容仪表嘅，“靓爆镜”就用来比喻人容貌漂亮，亮眼到连镜子都裂开，夸张地形容一个人长相美好。过年嘅时候，不妨多赞美下身边嘅亲朋好友，收获一份美好心情。

　　造句：呢套衫着喺你身上，真係光芒四射、靓到爆镜！

　　升呢发财 

　　sing1 le1 faat3 coi4

　　“升呢”的“呢”源自英文的“level”，指级别或层次，升呢自然就係升职之意。这个祝福语，就是希望对方事业、财运都步步高升咁解，特别啱职场打工人。

　　造句：祝公司以及全体仝人，喺新一年升呢发财，赚到盘满钵满。

　　旺到飞起

 　　wong6 dou3 fei1 hei2

　　喺广府话中，“飞起”就係非常、十分、极好的意思，旺就自然係指兴旺、运气好。“旺到飞起”就指好事多到爆，呢个词经常同“掂过碌蔗”一起用，祝福人福气多到满泻。

　　造句：“视帝”开金口祝福，来年Color一定旺到飞起。

　　眉精眼企

　　 mei4 zeng1 ngaan5 kei5

　　呢个词通常就形容人机灵、精明，能够敏锐地察觉到周围的事物。有时都会用嚟形容人懂得看人面色做嘢。“挑通眼眉”都有识睇面色办事嘅意思，但就冇前者咁有赞美嘅意味。

　　造句：见到老板有啲火气就即刻乖乖做嘢，阿辉咁眉精眼企，大家都要学嘢啦。