开工啦！想做好呢份工，我哋一定要有个壮健嘅身体。粤语课堂开年第一课，由“大只谦”罗子溢开讲，原来身体每个部位都有讲究噶，大家快啲跟住学下，keep靓个body，开工更power，齐齐迎接新挑战。

　　郭玮/文   秦丽莹/图

　　罗子溢、郭玮/模特

　　膝头哥对上 就係髀(俾)

　　sat7 tau4 go1 doey3 soeng6 dzau6 hai6 bei2

　　“膝头哥”即膝盖，“髀”係指大腿，字面意思係膝盖上面就是大腿。膝盖、大腿都是人体的一部份，是不能分割的，呢度其实係用了一个粤语谐音梗，係在人家问你要某样东西，但你不想给的一种激烈、强势的回应。

　　造句：牛牛想攞多两套物料备用，点知阿谦话：膝头哥对上就係髀，今年公司要开源节流啦！

　　牙齿当金使

　　ngaa4 tsi2 dong3 gam1 sai2

　　呢个词有“一诺千金”嘅意思，指做人要讲信用，讲话算数，承诺咗嘅嘢一定要兑现‌。“牙齿当金使”强调咗诚信嘅重要性，尤其喺商业活动中，承诺如同黄金般贵重，必须认真履行。

　　造句：阿谦不嬲都牙齿当金使，应承咗人哋就唔会甩底。

　　留返啖气暖肚

　　lau4 faan1 daam6 hei3 nyn5 tou5

　　这个词用来表示与他人争吵冇意义，不如留返争吵的力气和精力做其他更有用的事，可以话，好形象地诠释了“嘥气”的意思。在职场，总有与同事、老板意见相左嘅时候，争取唔到自己想要嘅结果，呢句话就成为自洽嘅一种态度。

　　造句：开工第一日你咪咁激动，留返啖气暖肚，接下来有大把新挑战。

　　手心係肉，手背亦係肉

　　sau2 sam1 hai6 juk9 sau2 bui3 jik9 hai6 juk9

　　手心和手背都係肉做嘅，都一样咁重要，比喻矛盾的两者都是自己疼爱的亲人，或者珍视的人和事物，表达想一视同仁但难以取舍的心情。呢个谚语多用于对家人和密友，如果职场上你都能成为老板的“心头肉”，凡事提携你，对你工作能力亦係一种无形嘅肯定啦。

　　造句：太太主演嘅剧集超精彩，自己嘅拍档演技又好出色，被问选谁做“最佳女主角”，子溢真係“手心係肉，手背亦係肉”，好难拣咯！

　　手瓜起腱，食饭唔使俾钱

　　sau2 gwaa1 hei2 gin3， sik9 faan6 ng4 sai2 bei2 tsin4

　　喺粤语中，“手瓜”指嘅是上臂，“起腱”则表示肌肉发达。字面意思係，某啲人因为体格健硕、外型威猛，食霸王餐唔付餐费都冇人敢反抗，就係生动形象地描述恶人日常的场景，讽刺恶人虾虾霸霸的行为。其实仲可以当反话嚟讲，鼓励大家强身健体，唔好俾人虾。

　　造句：开工之余多做下运动，正所谓“手瓜起腱，食饭唔使俾钱”，身强力壮先有发围。

　　手指拗出唔拗入

　　sau2 dzi2 aau2 tsoet7 ng4 aau2 jap9

　　“拗”喺粤语中有弯曲之意，正常人嘅手指都係向手心弯曲的，如果是向外弯就不合常理了。呢个词用嚟比喻行事有好处不留给自己亲近或者友好的一方，反而帮衬或者偏袒外人。这个指责说法比较温和，更激烈的说法是“食碗面反碗底”。

　　造句：你睇人哋做嘢几醒目？你快啲谂办法追上啦，如果唔係就咪怪人手指拗出唔拗入，将“优秀员工”俾隔离组。