“岭南宗祠之冠” 陈家祠，分别于2002年、2011 年两度入选 “羊城八景”。佢係现存规模最大的广府传统建筑之一，亦係广东保存最完好、装饰最精美的祠堂式建筑。Color君约上举行咗 “役风”巡回音乐会嘅胡鸿钧，一齐探秘呢座被誉为 “岭南建筑艺术明珠” 的百年古祠，感受中式浪漫的不朽魅力。

　　郭玮/文  黄译萱/图

　　被百年设计震撼

　　鸿钧一来到陈家祠大门，已经被建筑嘅布局震撼。陈家祠使用了上下对称、虚实相间嘅建造原则，入口係高达5.61米嘅清代木门，两扇门上彩绘嘅门神庄严肃穆，据说係全省最大嘅门神。

　　陈家祠又称“陈氏书院”，佢建于清光绪十四年，至今已经有130几年嘅历史。占地15000平方米嘅祠堂式结构建筑群，大量的高脊、翘檐结构，展示咗岭南传统建筑的高超技艺以及宏伟气势。到咗中庭，聚贤堂嘅严肃气氛不禁令我哋停下脚步。原来佢係陈家祠建筑群中最大嘅建筑，係古时“一家之主”主持大会的地方，堂中巨大气派嘅屏风装饰，令人不自觉严肃几分。我哋沿着聚贤堂为中线，漫步于祠堂内，厅堂、厢房围合，喺长廊穿插时，互相回忆往事，喺“青云巷”中感受平步青云的快乐，深邃嘅空间仿佛带人行入百年前的时光。值得一提嘅係，陈家祠总体呈正方形，屋顶采用“硬山”式设计，具有防火、防风嘅作用。

　　细节之处有惊喜

　　最令鸿钧感到惊讶嘅係陈家祠的内部结构。陈家祠大量运用“三雕二塑一铸一画”嘅雕塑技艺。仔细嘅鸿钧发现，喺大门入内嘅屏风上，有破竹组成嘅“福”字木雕，有“祝福”“势如破竹”嘅寓意。梁架、花罩等都有大量的木雕工艺，细节满满。鸿钧用手触摸木雕细节，感受到雕刻家们的匠心打造。抬头望屋顶，陈家祠嘅灰塑同样出色，有各种神兽、神话仙人等形象，旧时故事仿佛瞬间跃现眼前。鸿钧被各式精细雕塑吸引，雕塑内容包罗万象，图案富丽繁复，技艺精湛令佢睇到唔舍得走。鸿钧仲睇到陈家祠好多有意思嘅细节，例如聚贤堂上嘅牌匾，“聚”字的弯钩向右，因为弯钩似刀锋，修改方向就可以避免“刀锋”相对，係前人对能人贤士嘅尊重；栏杆上嘅石雕除了有狮子等吉祥物外，仲有水果贡品的造型，既表达对祖先的敬意，亦係对岭南佳果富足嘅自豪炫耀。

　　“声”命力之延续

　　1999年，陈家祠地铁站正式投入使用，站内特别设计为淡黄色砖墙与芝麻白黄岗岩地面，与地面嘅陈家祠宁静淡雅气氛相呼应。地铁八号线开通后，陈家祠站成咗交汇站之一，进一步带旺这里附近人气。陈家祠对面的1906科技园扬韬广场，前身为广州卷烟二厂旧厂，2022年正式升呢为集饮食、娱乐于一身嘅潮流圣地，吸引咗众多潮人游览光顾。留意广场中的音乐唐人馆、中心广场等位置，经常有歌手、艺人在此busking、开show，可乐君嘅friend、鸿钧嘅friend都曾经喺呢度献声。城市发展日新月异，流芳百年嘅宁静古祠风韵依然，而佢周围变成咗繁华热闹嘅商业旺地，旺中取静嘅陈家祠未来更加多姿多彩。