《执法者们》强势上线，聚焦警队、廉政公署同律政司三方力量，联同打击罪恶势力。剧集除咗有紧张刺激嘅破案情节，另一亮点係邀请多位“帝”“后”级人马坐阵，正邪对决火花四溅，全员为正义搏到尽！

　　郭玮/文 黄译萱、剧照/图

　　三“帝”齐聚，谁与争锋

　　剧集围绕香港三大执法部门展开，陈豪、黄宗泽、马国明三人饰演嘅都係部门主力。2023年TVB“视帝”陈豪，演技功底深厚——喺剧中佢化身正气凛然嘅大状，为好友、无辜者奔走，争取公义；法庭上佢威风八面，私下却因囡囡失踪展现出爆棚父爱，刚柔并济嘅演绎令人动容。黄宗泽饰演嘅角色命运多舛，为查案先后失去队友、至亲，始终凭住一腔热血义无反顾，喺一次次挫败中重新振作，呢份坚毅令观众深受鼓舞。马国明塑造嘅角色机智干练，为坚守清廉不惜大义灭亲嘅情节，更收获观众一致好评。三位男主喺剧情中从互相猜疑到并肩合作，关系层层递进，只为合力扳倒幕后大boss，向观众传递维护社会和谐嘅满满正能量。

　　　马国明　　黄宗泽　　陈豪　

　　CP有情，热血助力

　　喺紧张嘅破案主线外，各组CP感情线亦亮点十足。久违回归嘅宣萱演技依然在线，佢同陈豪组成“执法者vs犯罪嫌疑人”CP，两人复杂纠结嘅关系，我哋隔着屏幕都深感意难平。蔡洁与黄宗泽第八次合作，终于“修成正果”饰演情侣，先甜后苦嘅感情线不仅凸显黄宗泽角色嘅坚毅，亦让观众为呢对苦命鸳鸯嘅坎坷命运唏嘘不已。陈滢与马国明嘅全新组合，俾大家唔少惊喜，首次合作便默契度拉满，互动中嘅小甜事为佢哋嘅感情线增添温馨感，为沉重嘅剧情注入一啲温暖、可爱嘅元素。仲有刘佩玥同梁競徽组成嘅“被操控组合”，在恶势力压迫之下仍坚守正义，最终义无反顾牺牲小我、完成使命，呢份热血令观众深受震撼。

　　　《执法者们》主创见面会　　陈豪、宣萱　　黄宗泽、蔡洁　　梁競徽、刘佩玥　　马国明、陈滢　

　　配角惊喜，张力爆发

　　除咗cp线，单身角色嘅演绎亦为剧集增色不少。罗子涵饰演嘅警队精英，原本务实能干、前途似景，却因虚荣自负走向黑化，前后反差令观众痛心惋惜。张国强打破过往“反派专业户”形象，中途反转饰演正派角色，细腻演技令人眼前一亮。吴启华阔别TVB多年后再度参演港剧，亦正亦邪嘅演绎游刃有余，其意气风发嘅荧幕形象更勾起港剧迷对经典嘅回忆杀。“古惑仔”丁子朗一出场即获得观众点赞，无论外形定演技都大有进步。《执法者们》凭借台前幕后团队嘅精心打造，成为一部充满惊喜嘅作品。睇过嘅观众纷纷盛赞剧集“热血爆棚”“劲精彩”，从中感受到正能量之余，更自发追剧支持“执法者”，齐齐为社会正义呐喊助威。

　　可乐君采访《执法者们》主创　　张国强　　罗子溢　　吴启华　　丁子朗