话咁快，人月两团圆嘅中秋节又快到啦！赏月同食月饼，梗係过节嘅标配。今年各大商家玩出新花款——唔单止有传统老味道，仲有精致嘅联名款同文创设计！快啲跟住Color君，抢先睇下呢几款得意到爆、食得又玩得嘅中秋礼盒啦！

　　八景伴月：满口“广州味”

　　当传统广式月饼遇上羊城胜景，会係咩体验？2025年“羊城八景”名单新鲜出炉，“文化东方·羊城八景”中秋月饼礼盒，直接将美景搬上月饼盒，未食已经feel到浓浓嘅文化气息，氛围感拉满！礼盒设计真係够晒岭南味道，用珠水粉蓝做底色，封面印上八景之一嘅“塔映花城”，广州塔、珠江水、猎德桥等羊城标志元素几句齐聚，一眼望过去就知係“老广专属”！开盖仲有惊喜——八景嘅经典图案印喺小月饼盒上，越秀风华、荔湾胜境、湿地唱晚等经典景致逐个睇，仲有贴住“十五运”热点嘅“五环晨曦”，够晒与时俱进！最抵赞嘅係，每份月饼都配上精致风景书签，书签形状係照着广府建筑嘅特色窗型设计嘅，“细节控”会好中意。椰蓉、蛋黄、八仁、奶黄四款口味任你拣，赏月时咬返一啖，满口都係广州嘅千年风华！依家呢个礼盒已经喺“票巴网”小程序上线啦，钟意嘅朋友快啲喐喐手，手快有手慢冇啦！

　　　　羊城八景月饼礼盒　　八景书签　　月饼配套八景周边　　小包装盒上八景图案

　　“厢”伴萌秋：地铁迷必冲

　　广州地铁係羊城重要交通枢纽，亦係广州人嘅骄傲，日日见嘅“老友记”！而家佢仲变身成月饼礼盒主角，“厢伴中秋·美满包圆”月饼礼盒直接将地铁元素同广式月饼mix，萌到入心入肺！礼盒外层用广州地铁标志性嘅黄色，够晒抢眼，隔远都睇到。一打开更惊喜——你会被Q版列车头包装嘅月饼即刻吸引住，仲送一个硅胶小挎包。小挎包颜色抢眼，造型鬼马，挂喺身上绝对係街拍神器。配套嘅挂绳仲有两种长度，想斜跨定手挽都得。口味方面都唔输蚀，除咗大家食开嘅双黄白莲蓉、爆浆流心奶黄，仲将传统五仁玩出新花样——加咗XO酱，一啖落口，层次感直接拉满，越嚼越有味道！

　　　　月饼包装　　车厢包装　　长短挂绳　　广州地铁

　　浪漫完美：文人雅致同享

　　想中秋过得有格调？广州艺术博物院呢款月饼礼盒绝对啱你！设计灵感源自镇馆之宝——文徵明嘅《金阊名园图》，原画画嘅係明代苏州名园“紫芝园”，够晒有文化底蕴。“芝月同辉”月饼礼盒复刻咗园林“窗洞睇景”嘅设计，透过镂空窗洞望入去，画中美景一目了然，迷你园林嘅精致感即刻有。“月满紫芝”礼盒亦好别致，上面再现明代文人赏月吟诗嘅场景，每一幅画面都係风花雪月，浪漫至极，跟住画面似乎穿越去古代过中秋！呢款礼盒将文人雅致浓缩晒喺里面，赏月时有浪漫feel，食月饼时有满足感，fit晒人月两团圆嘅温馨时刻。

　　芝月同辉月饼礼盒　　月满紫芝月饼礼盒