跟着大咖玩转广州

　　国庆黄金周倒计时！计划留在广州的你，还在纠结 “逛什么景点”？这次可乐君直接升级玩法——同知名嘅建筑师、国际影星、中医师、调香师等大咖“组队”，从建筑肌理到草本芬芳，从镜头故事到养生智慧，跟着佢哋嘅视角去漫游，感受广式生活的多姿多彩，用多元视角玩透广州！

 　　 策划：骆苹、曾敏妍

　　统筹：曾敏妍

　　执行：黄译萱、郭玮、饶禧、秦丽莹、汤唯闻

　　如果你想快速丈量出一座城市嘅灵魂，跟住文化地标行绝对唔会错！何镜堂院士嘅设计犹如一个个坐标，标记出广州城嘅城市肌理。趁住国庆假期，让我们跟住佢从白云山麓嘅岭南庭院，到珠江畔嘅“人文巨轮”，再到藏于高楼嘅“时光魔盒”，一步步行走在广州山水间。

黄译萱/文、图　　

　　山脚有“骑楼”

　　喺白云山边，有一栋好似“骑楼”造型嘅建筑，佢就係何镜堂院士领衔设计嘅广州城市规划展览中心。建筑处处都有岭南风情，下沉庭院以水为景，行经此处时宛如行走喺岭南水乡。行入去，灰白色嘅格栅外墙，令人一下想起水乡民居嘅蚝壳墙，既减少阳光直晒、带来阴凉，又编织出斑驳光影。山边有馆，馆中有山。展馆三楼嘅室内全景步道，係观赏山景嘅好去处，靠在落地窗边，看山色从葱茏渐变黛蓝。展览馆犹如立体史书，记录住广州嘅威水史：4D影院带你穿越千年商都的街巷烟火；7434平方公里的广州全域浓缩在1600平方米的沙盘中，场面相当宏伟：讲解员会带你沉浸式体验广州的千年变迁。喺云山边的白云新城，仲有好多何镜堂院士设计嘅建筑，若时间充足，不妨去对面嘅广州白云国际会议中心睇睇“白云叠景”，顶楼更係一览山与城景嘅最佳视角。

　　江边赏“巨轮”

　　企喺白鹅潭大湾区艺术中心前，你会被呢艘通体透白嘅“文化巨轮”震撼。呢度靠近十三行历史文化街区，係千年商都嘅扬帆之地，拥有最开阔嘅江景视野。何镜堂院士巧妙地将珠水和建筑融合，建造出代表广州城与珠江关系嘅建筑。沿江漫步係老广最爱嘅生活方式之一，未到江边，江景已透过建筑中庭嘅架空广场直达眼底；建筑旁嘅亲水栈道，让赏江景变得更惬意；美术馆的走廊光影交织，可以欣赏到三江交汇嘅开阔江景。珠江流域串联起广府文化脉络，而白鹅潭大湾区艺术中心内的美术馆、非遗馆、文学馆，正共同诉说着这片土地的故事。坐船到对岸嘅沙面岛，可以品尝广府的烟火气。何镜堂院士仲喺珠江沿岸留下唔少亲水建筑，海心桥就係其中极具代表性嘅一座——作为珠江上首条跨江人行桥，佢串联珠江两岸地标，等大家游玩景点时更畅快，仲可以打卡珠水落日美景。

　　城中藏“宝盒”

　　喺广州嘅城市发展中，好多地方都靠特色嘅建筑“逆天改命”。比如位于白云区嘅“广州设计之都”，从前係黄边村级工业区，加入一批有设计感嘅现代建筑后，直接变身世界级创意地。片区内不仅有红点艺术广场，更有一座形似“晶体宝盒”的设计殿堂。这座由何镜堂院士团队领衔设计的建筑，以简洁璀璨的外观融入城市肌理，身处高楼群中，仍保留了岭南建筑特有的通透感，中庭的挑高艺术空间与大阶梯，极具出片效果。啱啱开放的建筑模型博物馆（广州馆），堪称一部“建筑百科全书”，让“宝盒”之名更实至名归。该博物馆的上海馆号称“最难约”嘅博物馆，呢次来到大湾区更係保持高水准，超2100平方米嘅“微缩建筑世界”，藏住200多栋建筑模型，漫步四大展厅，就好似行走喺围屋、竹筒屋、合院、园林之间。最为令人惊喜嘅係互动式空中花园：从外面睇，金属幕墙后嘅绿意若隐若现；从里面望，吹着微风欣赏城市美景，观展体验够特别！