Jason陈柏宇嘅《你暪我暪》经典又火爆，唱尽身陷于三角恋中的自欺欺人与无奈。无论係自欺欺人，定係瞒骗他人都係唔好嘅，今期“粤语课堂”，Jason会教大家“破解”各种粤语“瞒骗术”，做个醒目潮人。

　　郭玮/文

　　秦丽莹/图

　　陈柏宇、郭玮/模特

　　老点  

　　lou5 dim2

　　“点”喺粤语中有指示、启发的意思。呢个词意思係作弄、忽悠、乱讲嘢骗人，词带贬义，广府地区地区常用词。用得呢个词，表示说话人已经很生气。由郭富城、张卫健主演嘅电影《伦文叙老点柳先开》中，戏名就有用到呢个词。

　　造句：Jason哥，你咪谂住老点我，我会攞份报纸去现场一探究竟噶！

　　呃鬼食豆腐 

　　aak7 gwai2 sik6 dau6 fu6

　　相传古时有个书生夜晚遇饿鬼，凭自己嘅三寸不烂之舌，呃鬼话自己邋遢唔好味，不如食豆腐口感更好，饿鬼居然上当。次日书生逢人就吹嘘，自己呃到鬼食豆腐，听者都笑佢话：“呃鬼食豆腐，搵鬼信你。”后来，形容谎言拙劣、离谱，根本骗不了人，相当于普通话的“信你才怪”。

　　造句：呢道餸从卖相到气味都唔OK ，你仲话好味，呃鬼食豆腐咩！

　　讲大话，甩大牙 

　　gong2 daai6 waa6 led1 dai6 nga4

　　“大话”係谎言，“甩”係脱落、掉下来的意思。呢句俗语一般是长辈用来威吓小朋友嘅，本义就是讲大话嘅人牙齿会掉光，用来劝人不要说谎。小时候大家听完都当笑话，其实谂深一层，冇晒牙日常生活就好麻烦，而讲完一个大话，就要用另一个大话来圆谎，同冇牙食嘢一样麻烦不断。

　　造句：妈咪细细个就教导我哋，讲大话会甩大牙，所以一定要诚实做人。

　　诈傻扮懵 

　　za3 so4 ban6 mung2

　　“诈”有装蒜、假装的意思，“扮”则有装作、摆出某种模样的意思。呢个词比喻人用傻傻懵懵嘅状态，假装自己不知情、装糊涂。同义词仲有诈癫扮傻（za3 din1 ban5 so4）、诈诈谛谛（za3 za3 dei3 dei3）都有佯装不知道的意思。

　　造句：关键时刻你就诈傻扮懵，实係谂住推卸责任啦！

　　细路仔学人讲大话 

　　sai3 lou6 zai2 hok9 jan4 gong2 daai6 waa6‌

　　“细路仔”喺指小朋友、孩童，呢句话意思係话小朋友模仿别人讲假话、学人家呃人。其实此话中间暗含“好学唔学，专学坏嘅”之意——小朋友总是中意模仿大人嘅行为，无论好坏佢哋都会学埋一份。明面上是批评小朋友，更多係提醒大家要注意言行举止，不要成为坏榜样。

　　造句：小明细路仔学人讲大话，细细个就识呃人，大个仲得了？

　　诈假意 

　　za3 ga2-1 yi3-1

　　呢个词有假装、装模作样嘅意思，亦可以指闹着玩、做戏。

　　造句：Jason同牛牛诈假意煮嘢俾你食，其实係整蛊你，同你玩咋。