城市惊喜，季节限定！

　　最近天清气朗，正係出去发掘城市惊喜嘅好时候！喺广州，木棉热情似火，沿江路嘅建筑有好多威水史；行过去佛山，行惯行熟嘅创意园，原来藏着暖暖烟火气；放眼大湾区，海岸线都有季节限定的浪漫。再行远啲，绍兴“水乡”靓到似“妈生”片场，北京嘅玉兰、樱花花团锦簇……每个城市都有惊喜等住你，快啲同Color君一齐，定格季节专属嘅美好时光啦！

　　策划：骆苹、曾敏妍

　　统筹：曾敏妍

　　执行：郭玮、黄译萱、汤唯闻、秦丽莹

　　广州嘅春天特别红火，因为有木棉花编织嘅“红裙”装点全城，为大家带来红色浪漫。抬头看枝头，漫步在街头，饮饮食食嘅餐枱上，处处可以见到木棉花的身影，可以讲係季节限定嘅“广货”。跟住可乐君，一齐同木棉花留下春日限定美好啦！

　　郭玮/文  汤唯闻/图

　　“花”样情诗

　　中山纪念堂旁嘅“木棉王”，树龄超过350岁，每年都会准时为广州“披上红妆”。今年，广州街访特意喺树下面摆咗块画板，游客们就纷纷用跌落嚟嘅木棉花拼字、画心，用鲜艳嘅颜色向广州深情表白。就算冇画板，大家亦会发挥创意，喺草地旁用落花摆图案，将落花“嫁接”到绿植上或者装饰树干上嘅科普牌……人人都来做“艺术家”，为纪念堂添姿加彩。木棉花就係春天写俾广州嘅专属情诗，红而不俗、落地不枯，更係广州人引以为傲嘅城市印记。

　　“花”式打卡

　　广州农民运动讲习所旧址（俗称“农讲所”），因为有大片红墙，素有“小故宫”之称。每年春天，农讲所嘅木棉会从红墙黄瓦间探出枝头，为呢座古建筑增添古韵。唔少人都慕名而来赏花，穿上古风服饰，留低红花、红墙、红妆嘅同框大片。光霁堂嘅天井处，以古雅屋檐为框，最适合定格阳光与木棉相映嘅美景，成为农讲所最出片嘅打卡点；农讲所里面威风嘅石狮子，衬上娇艳红花，似乎变得温顺、可爱。若想睇更震撼嘅木棉盛景，不妨移步陵园西路，一睹300米长“木棉大道”嘅气势。路旁嘅落花被街访们整齐排列，编成马路嘅“花腰带”，抑或係用单车置物篮做花篮……每一处细节都藏着人与花嘅温柔互动，满满嘅爱意肆意绽放。

　　花咈“味”力

　　木棉花嘅魅力早已传遍大湾区，唔少外地网友喺社交媒体许愿求木棉，热心嘅广州人积极回应，将落花新鲜速递到全国各地，把这份春日嘅惊喜传送出去。新鲜木棉难长时间保存，今年大家热衷于以木棉花造型设计周边、DIY手作，把木棉花升呢为经典广货。喺木棉盛开时节，中国大酒店、广州酒家、广州迎宾馆等食肆推出“红棉宴”，用木棉花入菜，制作酥炸木棉花、木棉花炖汤、木棉花春卷等特色美食，既清热祛湿，仲係颜值担当，可谓广州独有嘅“漂亮饭”。

　　木棉普洱

　　北极贝拼子鸡球

　　木棉花千层酥

　　木棉花钥匙扣（图源：南航文创）

　　木棉花炖海参

　　（红绵宴图源：中国大酒店）

　　木棉花香薰挂件（图源：农讲所文创）