|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
冬奥带起一波冰雪运动潮，搞到大家心喐喐，想去玩雪玩冰。雪地驰骋，虽然由头到尾包到实，但係每件用具都有佢嘅大作用，除咗俾你扮chok做潮人，仲可以保证运动安全度。如果係新手初哥想浅尝冰雪滋味，大部分可以到专业场所租借使用，如果係有心参加下届冬奥了喔，都可以凑齐一套多多练习噶！ 郭玮/文 品牌官网、《零度极限》剧照/图 冰雪大玩“头” 滑雪装备中，头盔係非常重要嘅用具，佢负责保护我哋嘅头部免受冲击，必要时可能救你一命添，所以拣头盔一定唔可以马虎！滑雪头盔内里一般为高密度吸震海绵，减震避险之余，仲会有散热透气嘅特性，话嗮滑雪都係高强度运动，流咗汗又焗住就闭翳啦。滑雪头盔可以调节大细，但调整嘅幅度唔大，唔同嘅头型都会有各自最适合嘅款色，建议有心入手嘅朋友去现场试戴。如果你觉得头盔唔够突出，可以试下加翻个头盔防风套！Nandn今个冬天出咗好多唔同造型嘅防风套，除咗滑雪可以套喺头盔外面，日常当帽戴都完全冇问题，啱晒百变个性嘅潮人。 保护好“心灵之窗” 喺雪山上，因为厚厚积雪嘅高反射率，阳光容易刺激到眼睛，造成雪盲症，加上滑雪速度快，不确定因素多，容易令异物入眼，滑雪镜呢个防具一定要有！从美观角度谂，滑雪镜最好同滑雪头盔匹配，靓得嚟又可以起到防护效力。如果要自己另外配镜，都可以从镜片防雾性、透光率几个要点入手，选择适合自己嘅滑雪镜。为咗适应需要戴眼镜嘅选手，好多滑雪镜内框仲设咗凹槽，可以卡实眼镜添。Oakley主营各种运动系列眼镜，佢将眼镜的舒适性、实用性、艺术性融合一体，冬奥比赛场上好多运动员都用呢个牌子嘅滑雪镜，如果想get世界冠军同款嘅朋友可以考虑入手啦！ pat pat守护神 无论做咩运动，安全措施一定要做足，咪以为白雪睇落软绵绵就掉以轻心啊！玩滑雪嘅时候最怕就跌亲。经典嘅小乌龟毛绒护具，就可以保护你pat pat免受冰冻同埋“遁地”之痛，如果觉得毛绒公仔款太张扬，内穿款嘅护臀裤、护胸衣可以收埋喺滑雪服里面，啱晒低调扮酷嘅朋友！对于小朋友，市面上仲有全身覆盖式嘅保护套装添，除咗上面讲过嘅小乌龟，好多品牌都同各种卡通联合，做咗好多可可爱爱嘅护具款色，大家可以根据自己喜好，或者滑雪装备嚟匹配唔同款色，一起做雪地上最得意嘅选手啦！ 拣板有贴士 滑雪板分单板同双板。如果係啱入门嘅朋友可能双板好上手啲，不过单板可玩性更强，掌握到技巧可以玩出好多花样。滑雪板嘅速度同佢嘅长度係成正比嘅，一般嚟讲，长嘅滑雪板速度快、稳定性会好啲，短嘅虽然滑行速度比较慢，容易颤动，但佢嘅灵活性又好啲。初学者就建议拣啲弹性比较好嘅板款，雪面冇咁平嘅时候不易颠簸，制动效果也较好。如果按身型嚟拣板，高大嘅朋友建议用长啲嘅款色，短款嘅就更啱身材细粒嘅女仔。CANOTWAIT_ x SALOMON联名出 咗双板滑雪板套装，延续咗“canotwait to go higher”嘅设计主题，挑战极限嘅滑雪精神。
