|
|
“茄呢啡” 就有你份…… 终于到我做主角! |
|
|
我是猫纸 |
|
|
三只脚的生物中，冇人叻得过我！ |
|
|
死猫都唔放过？！ |
|
|
|
|
|
|
|
|
|
受尽宠爱嘅猫咪，不但萌力十足，征服万千“铲屎官”，仲为粤语文化“牺牲”形象，贡献咗好多鬼马俚语噶。今期我们一起来睇睇广东人家喻户晓嘅“本地猫”，感受喵星人喺粤语中嘅特殊魅力！ 陈祉伶/文 郭玮、陈祉伶、曾敏妍/图 出猫 ced1 mao1 粤语里面嘅“出猫”或者“出猫仔”，大多数广东人都知道係指考试作弊嘅意思。但讲到点解会有呢种比喻咧？恐怕好多人都唔太清楚了。其实呢个讲法源于母猫的习性，猫乸生仔时为咗安全，一般都会偷偷匿埋唔俾人知，等到猫仔安全断奶先带出嚟。而学生考试夹带小抄作弊时，就好似出（生）猫仔咁偷偷摸摸，所以用于作弊张小抄亦被戏称为“猫纸”。 造句：你嗰衰仔，平时又唔认真，考试嚟学人出猫！ 三脚猫 sam1 gêg3 mao1 众所周知，猫咪係四脚兽嚟嘅，如果少佐只脚，踎低都仲可以扮只正常猫，但一走动就企都企唔稳，所以“三脚猫”会被用嚟比喻那些乍眼望落似係个人才，但实际上冇乜本事嘅人。而常用嘅“三脚猫功夫”最初形容学武之人功夫太差，后来就被引申为学艺不精，讽刺别人识少少，扮代表。不过有时会用嚟作自谦使用。 造句：我呢啲都係三脚猫功夫喈，拎出去上唔到台面。 食死猫 xig6 séi2 mao1 广东人乜都食，旧时有啲地区流行食猫肉，广府地区就曾有道名菜曰“龙虎凤”，用蛇、猫、鸡焖炖而成。一啲黑心餐馆用廉价嘅死猫肉，代替新鲜猫肉高价出售，呢个行为被称为“屈人食死猫”，即在食客唔知情的情况下，以次充好。久而久之，亦引申出“强加于人”嘅意思。所以“食死猫”就用于指代孭黑镬，受冤枉或被人栽赃陷害。 造句：明明系佢做错又入我数，今次真系格硬食死貓！ 老猫烧须 lou5 mao1 xiu1 sou1 猫咪撇须其实好紧要噶，据讲可以用来测量宽度，防止自己钻唔过洞口。以前农村里养嘅猫，晚上喜欢钻入熄咗火嘅炉灶里取暖，到咗天光主人烧火时，马上跑开。但唔熟悉环境嘅猫仔有时贪瞓走得慢，就好易被烧着猫须。如果经验丰富嘅老猫都被烧到须，就讲明呢只老猫太大意。所以“老猫烧须”就比喻经验老到嘅人，粗心大意犯咗新手一样嘅错误。 造句：陈伯都做咗几十年厨房咯，今次竟然唔记得落盐，真係老猫烧须。 扯猫尾 cé2 mao1 méi5 猫猫咁得意，点解要扯佢条尾？“扯猫尾”又叫“掹猫尾”，一般係用嚟形容两人唱双簧（即互相串通）去蒙骗别人。呢个俗语嘅由来，其实同猫冇乜关系，佢係由古文“谬为”衍生出来的俗语，“谬为”一词有假装、作伪之意。“谬为”谐音同“猫尾”相近，将“谬为”用作动词时，写作“谬为之”，在谐音和文义的结合下，便被说成“扯猫尾”。 造句：嗰个人企喺档口前面不停话“好笋””好靓”，但自己又唔买嘢，肯定係同间店扯猫尾啦。 食猫面 xig6 mao1 min6-2 食面就食得多，“食猫面”又係乜东东？“食猫面”其实係“识貌面”的变音，“貌面”即脸色，原本指表情，呢度引申指令人难堪的神情。人发恶嘅时候，会板起脸，刁难对方，係粤语中就会讲“畀个貌面佢识”。由于“貌”同“猫”读音好相似，后来以讹传讹咁被读成“畀个猫面佢食”，又简化为“食猫面”，多指被训斥、遭白眼、因而难堪。 造句：醒醒定，咪再迟到啦！费事老细请你“食猫面”。
