|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
策划：骆苹、曾敏妍 统筹：曾敏妍 执行：陈祉伶、郭玮、黄蕾、秦丽莹、黄芷晴 人越大，越会怀念小时候的纯真快乐，嗰啲平时成熟稳重嘅大人们，到咗儿童节呢日，都想趁机抛开成年人世界嘅复杂同压力，做翻个无忧无虑嘅细路。边个话，大个咗就唔可以过六一？今期Color为你按下重回小时候的按钮，一起追忆那些快乐的儿时回忆。快啲返到自己的位置上坐稳扶好啦，前方到达：童年站！ 陈祉伶/文 陈祉伶、品牌官网/图 贪靓 重拾儿时童趣，一于从扮靓开始！细个嗰阵，总系渴望装扮成大人摸样，静鸡鸡试着妈咪对高踭鞋、偷偷搽口红、喷香水……唯一可以光明正大化妆嘅机会，可能就係学校集体演出时，被老师化上舞台妆，虽然多年睇翻相片都係黑历史，不过当时难得扮靓嘅我哋都会开心好耐。正因如此，长大后嘅我哋，更容易被精准狙击少女心。Hello kitty、飞天小女警等童年偶像复出营业，联动各大彩妆品牌打破次元壁，拉响了万千少女的心空警报。更有粉扑、唇彩、香水等产品mix糖果滋味，大搞童年回忆杀，等你扮靓之余也能收获满满孩子气！ 为食 每个人嘅童年回忆中，都一定有一家士多！唔多起眼嘅门面，货架上堆满色彩缤纷嘅各种零食，大冰柜里塞满冷饮同雪糕。每日放学后攞住一蚊几毫嘅零用钱，纠结要“宠幸”边款零食，係嗰阵最花心力的“大事件”。今时今日，已经被山珍海味养到嘴刁嘅我哋，好少再回购当年嘅挚爱零食啦，偶尔买嚟过下嘴瘾，可能都搵唔翻儿时嘅味道。如果为嗰啲童年零食办翻个“再营业测评”，唔知你会首推边个心头好？ 烂玩 爱玩係孩子天性，仲记得我哋小时候，睇电视的时间有限，甚至要同爸爸妈妈“讨价还价”，动画片也係定时播出，都冇咁多电子产品可以打游戏。但嗰阵嘅我哋好少会无聊，简单一条绳足以收获一下午的快乐，长啲可以玩扯大缆，短啲可以翻花绳。甚至只需要一块空地，三五个小伙伴就可以伏匿匿、跳房子、麻鹰捉鸡仔轮住玩，呢啲幼稚嘅小游戏，唔知你仲记得几多个？除咗经典嘅童年游戏，玩具也係我哋冇法拒绝嘅童心抓捕器。无论几岁，开心万岁，“超龄儿童”见到心水玩具，一样好疯狂噶。
