|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
人生充满甜酸苦辣，通过自己嘅悉心“烹饪”，个性“佳肴”自会独放异彩。Color发现最近有三部唔错嘅网剧，讲述古今嘅后生仔女，通过努力搵到自己想要的生活。冇job，保持乐观心态、找寻新机遇；怀梦，一定要奋力追求，拼命向前冲；有伴，携手共进退、天涯共此时……人生嘅滋味，我哋一齐体验。 郭玮/文 剧照、海报/图 “交换”人生 《没有工作的一年》斋听个剧名，就係唔多好嘅感觉。剧中有同名又同姓嘅两个人，唔一样嘅皮囊，藏着两个迥然不同嘅有趣灵魂。辣目洋子饰演嘅“大雨”事业心重，万鹏演嘅“小雨”则hea住做人，咩都“冇所谓”。两个人住喺同一屋檐下，原本以为佢哋会“水沟油”，冇谂到嘅係“大雨”被开导释怀，“小雨”又得到感化重新振作……两人尝试各种新嘢，喺互相了解嘅过程中互相学习，一年时间交出真心，令到两个人完成咗角色嘅置换，睇到佢哋走向属于自己嘅新人生，隔住屏幕都已经被治愈。其实，失业“唔係可怕嘅事，只要自己唔好放弃，肯为寻找新人生而付出 ，就一定可以创造到真正属于自己嘅新世界。 热血江湖 人生难得有伴侣，特别係志同道合、互相正向激励嘅同道中人。《且试天下》係男女主角携手齐闯江湖嘅热血史。杨洋饰演嘅“丰兰息”腹黑又心机，赵露思饰演嘅“白风夕”就潇洒又有能力，两人又从水火不容，渐渐到双向奔赴。近年嚟，杨洋嘅角色越来越多元化，形象不断加分，赵露思势头十足，次次都能带出好多话题。俊男美女嘅搭配，令呢部古装言情武侠传奇从画面到剧情都相当唯美动人。《且试天下》改编自倾冷月同名小说，“网改剧”嘅盛行令到观众对佢嘅期待值好高。值得一提嘅係，赵露思係呢部剧中，将摒弃以往“傻白甜”标签，以侠女姿态现身，自立自强的姿态，俾到大家唔少惊喜。 浪漫追梦 《明天也想见到你》里面，一群各怀梦想嘅人住埋一起，以青春创未来。成功上位做咗新人PD嘅女主角，同高材生药剂师男主，由冤家慢慢变情人；腼腆秀气嘅“弟弟”，同女神相遇，互相暧昧、係终成眷属。虽然努力最终要靠自己，但一班人一起发奋图强就令成件事变得有啲浪漫。呢部剧有好多正能量：鼓励你好好过完今日，明天以崭新的姿态迎接未知的挑战；对一个人嘅爱，可以在每个黄昏、日落、日出都循环，每个人都可以喺自己嘅领域不断发光发热。电视剧虽然冇大牌老戏骨加盟 ，但青春无敌嘅靓仔靓女会俾到大家young到爆嘅元气，以梦为马，向前奔跑吧！
