|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
杨千嬅最近推出全新单曲《上善如酒》，唱尽人生百态久酿嘅甘苦，从“祈祷少女”靠“长岛冰茶”入睡，到今时今日嘅乐坛地位，佢真係做到“声”生不息。然而95年参加选秀入行，97年因为《再见二丁目》开始受到关注嘅千嬅，几多人仲记得佢有一个“演员”身份？从佢参演电视剧演艺的成长路，我哋也可以了解到港剧的25年流金岁月。 郭玮/文 剧照、海报/图 无厘头？有深度 1997年，TVB开始引入“万千星辉颁奖礼”，以表彰全年表现出色嘅艺人，香港电视剧市场也更加蓬勃发展，而喺呢一年，杨千嬅亦参演咗佢人生嘅第一部电视剧。23岁的杨千嬅以少女姿态，同林家栋搭档，参演时装怪谈《隐形怪杰》：一宗离奇嘅宝石失窃案，将原本快乐而平凡嘅两兄妹牵扯其中……男主角机缘巧合变成“隐形人”，充满奇幻味。剧中借“隐形人”视角探讨人性，令到呢部无厘头的奇幻喜剧突然有咗深度。虽然当时嘅特效略显粗糙，但并不妨碍嗰个年代，大家对呢类新颖题材的喜爱。首届万千星辉颁奖典礼上，最受欢迎嘅剧集係《难兄难弟》，呢个IP后亦延续成《难兄难弟之神探李奇》，系列中嘅几位主角尽显搞笑功底，扮演个性十足嘅人物角色，嬉皮笑脸中也不乏对人生世事的思考，令观众不禁细想剧集背后的意义。97香港回归前后至千禧年间，香港电视剧处于上升阶段，呢种兼具欢乐笑点同思想深度嘅电视剧大受欢迎。 职业剧，造爆款 离开17年，杨千嬅喺2019年受邀回巢，领衔主演《多功能老婆》。作为佢婚后再次回归电视框的作品，千嬅已经用成熟稳重代替曾经嘅少女，将失婚妈妈落魄时的无奈，与重拾信心嘅坚强，都诠释得淋漓尽致。千嬅凭借呢部片，成功获得“最受欢迎电视女角色”奖项。现实题材一向係港剧的拿手好戏，其中职业剧，更係香港电视剧中不可或缺嘅题材，从卧底到飞虎，由护士至专科医生，港剧都擅长将佢哋打造成爆款形象。好似呢一年，在颁奖礼上陪跑多年嘅马国明，凭借医疗剧《白色强人》喜提“视帝”称号。最佳女主角，则由惠英红凭借警匪剧《铁探》夺得。直至今时今日，兼备专业性又贴地气嘅港式职场剧都依然为大家所爱。 武侠剧，花臣多 杨千嬅离开TVB前最后一部参演嘅电视剧，係同林峯搭档做小情侣嘅《美味情缘》。呢部以美食为主线嘅爱情片，连角色都充满 “味道”：“花枝”、“马友”、“江耀柱”等等人物名字趣味又和味，男女主角喺美食嘅串联下，发生一系列有悬念又有思念嘅故事，诙谐中满满温馨。千嬅一共参演过两部同“美食”有关嘅电视剧，除咗《美味情缘》，仲有就係同古天乐做partner嘅《美味天王》啦。嗰段时间，古天乐、林峯都係TVB当红嘅小生，佢哋当年合作嘅《寻秦记》更获得壹周刊电视大奖“十大电视节目”第一位嘅成绩。讲述港队精英“项少龙”穿越回到战国寻找秦始皇嘅《寻秦记》，将传统武侠和科幻元素结合，奠定咗穿越剧嘅基础；更因为剧中大部分场景都喺内地取景，仲无形中加强咗香港电视制作同内地嘅文化交流，在金庸代表的传统武侠江湖之外，香港新派武侠也逐渐被内地观众所认识。
