|
|
|
|
|
裹蒸粽 |
|
|
|
|
|
|
|
|
|
|
|
|
|
|
曾比特 “偷师”观辰 |
|
|
|
|
|
|
|
|
娇姐手把手教包粽子 |
|
|
娇姐介绍裹蒸粽 |
|
|
见粽就开心 |
|
|
食粽开餐 |
《UP在湾区·港见粤闻》继续带大家搜寻非遗好物！呢一期，我哋同大家嘅“初恋”Mike曾比特，一起奔赴肇庆，手作美味裹蒸粽，巧学珍稀特产端砚，身体力行玩转非遗文化。究竟裹蒸粽里面有乜乾坤，端砚名贵所为何因……一齐去片学嘢啦！ 郭玮/文 Color团队、受访者提供/图 你想知嘅“特产秘密” 肇庆裹蒸粽係端午节嘅传统应节小吃，据说肇庆人制作粽嘅手艺始于秦代，制作工序非常讲究，用料上乘，馅料就讲究甘香味醇、肥而不腻。因为佢嘅味道独特，所以名声远播。 肇庆仲有另一个特产——端砚，被列为“中国四大名砚”之首。係中国国家地理标志产品，仲列入埋中国非物质文化遗产名录添。佢以石质坚硬、润滑、细腻、娇嫩而驰名于世，古代更有“呵气研墨”一说，形容佢质地好，只需要呵气凝结嘅水珠，就可以研磨出墨。 一见“粽”情有技巧 肇庆裹蒸粽制作技艺係首批肇庆市市级非物质文化遗产之一。中意食嘢，同时又想keep身材嘅Mike，讲起“粽”就即刻双眼发光、好兴奋。急不及待想跟传承人娇姐学嘢。由铺粽叶开始，先落几多糯米，再放多少绿豆，每个分量都有讲究；连五花肉嘅肥瘦程度、咸蛋黄是否金黄，都同最后成品嘅口感息息相关。娇姐仲同Mike讲，随著现代人对食嘅要求越来越高，佢哋仲会根据客人嘅要求，改良制作方式创意新口味，曾经就有客人特别中意咸蛋黄，于是就诞生咗“七龙珠”版裹蒸粽，里面放咗足足7粒蛋黄！传统嘅肇庆果蒸同外地嘅粽相比，最大差别就係佢会用柊叶嚟包，无论係边种材料做馅，粽叶包起之前嘅最后一层糯米都非常重要，因为糯米除咗係粽嘅主体之外，仲有帮馅料“保鲜”嘅作用——将所有食材紧紧包裹啲馅料，係裹蒸粽历久常鲜嘅关键。因为自细中意食粽，娇姐就学咗呢门手艺，佢都好希望年轻人可以将呢项非遗技艺好好传承落去。 昙花一“砚”情谊满 广东肇庆市传统端砚嘅制作技艺，係国家级非遗之一。所以嚟到制作端砚嘅地方， Mike同观辰突然变的严肃起身，原本鬼鬼马马嘅两个人秒变乖乖好学生，认认真真听书，小心翼翼操作，生怕落手重咗，整坏珍贵嘅石材。2010年端砚嘅制作技艺，被评为岭南文化名片之一，传承人柳师傅叫佢哋放胆去学，男仔雕祥云，女仔刻牡丹，坚硬砚石喺锋利刻刀磨炼下，渐渐成为一件艺术品，Mike趁机玩起中西结合嘅创意，将自己嘅英文名落款传统墨砚上。最后Mike同观辰仲用端砚墨汁现场挥毫，写下一幅诚意满满嘅“身体健康”送俾大家，将呢份非物质文化遗产“印”于纸上，留作永久珍藏，情谊满满、意义非凡。 Color提示： 《UP在湾区·港见粤闻》会继续带大家学非遗知识，玩转非遗手艺噶，如果想知下期係边个带大家搞搞新意思，记得密密关注我哋啦。
