|
|
|
|
|
|
|
|
|
|
|
|
|
|
特殊刷头 |
|
|
|
|
|
SIT.E镜头系列液态雀斑气垫 |
|
|
|
|
|
QIC 雀斑笔 |
|
|
|
|
|
|
|
|
too cool for school涂酷三色修容 |
|
|
名创优品 气垫按摩梳 |
|
|
|
大家一年四季都做足防晒、保养工作，一心追求剥壳鸡蛋般嘅白滑靓靓肌。但近几年嚟，面上嘅少少瑕疵竟然成为“新宠”：美人痣、小雀斑、晒伤腮红等等嘅“不完美”妆容，一跃成为极具辨识度嘅“美人小心机”。与其用修图APP嘅“瑕疵妆”配件，不如一起手动打造“小缺陷”，试下“沉浸式”变靓！ 郭玮/文 《漂亮的李慧珍》剧照、品牌官网/图 “不完美”更美 “雀斑”通常指面上密度较高嘅褐色小斑点。有雀斑“点缀”嘅妆容，会显得复古俏皮。因为呢个“小瑕疵”可以从视觉上，缩短面部中庭，修饰面型，对面型较长嘅朋友就比较友好。想要画出嘅“雀斑”自然唔做作，首先要注意佢嘅分布同形状特点：面颊前方密度高啲，但颜色要相对较浅，鼻梁同鼻尖就应该由内至外逐渐淡化过渡；“雀斑”嘅边缘要不规则且模糊，每粒雀斑颜色有深浅差别，切记唔好将佢哋画成呆板嘅圆形，睇起身先似纯天然。由于自然生长嘅斑点，好少会整齐分布，所以落手打造“雀斑妆”嘅时候，既要“胆大”随意尽情点，又要“心细”注意小细节；为咗令妆容整体干净，底妆要尽量清透贴服。“雀斑”嘅颜色同眼妆、口红和谐相近，就可以减少因为面部色彩太多而产生的脏乱感。 专业“造”瑕疵 为咗方便大家自己手动打造“小雀斑”，市面上诞生咗好多方便实用嘅“雀斑神器”。SIT.E镜头系列液态雀斑气垫，配有特殊刷头嘅气垫刷。佢粗幼唔同、长短参差嘅刷尖，通过3D技术调教后，与面部高度契合，只需要沾好雀斑液简单按印，即刻打造“妈生自然雀斑”，化妆小白都可以一秒上手。如果想“雀斑”更个性，QIC自然仿真雀斑笔就值得入手。佢柔软嘅笔尖有啲似眼线笔，可以喺唔同力度、角度嘅转换下，轻松绘画形状、深浅不一嘅斑点印记。因为笔尖较为幼细，点“美人痣”就十分方便，“雀斑妆”可能会比较费时。显色、防水、持久快干係佢最大优势。但因为快干嘅特性，落笔即成“定局”，要修改当然就麻烦少少，适合熟手啲嘅朋友使用。 “试妆”随手可得 “雀斑妆”作为一种个性嘅妆容，可以搭配好多唔同风格嘅服饰。想尝试雀斑妆，但又惊买咗“雀斑妆神器”，上脸后发现不合适而浪费闲置？其实，大家可以先试下用身边随手可得嘅“替身”妆品，打造雀斑妆噶。譬如常用嘅粉底、深色嘅眼影，或者係深色系列嘅阴影粉，配合幼细嘅唇扫，就可以轻松点画贴服自然嘅雀斑斑点。如果觉得一粒粒小雀斑慢慢点有啲费时，不妨试下用按摩梳——用梳齿沾上眼影粉或阴影粉，轻轻按印喺面颊上，一秒就可达到雀斑气垫先有嘅惊喜效果。
