Title越长越奇幻？萌翻天！

　　

　　最近大家追番，有冇发觉啲动漫嘅名越来越长，恨不得有乜内容都show晒出嚟，一个title就係成个剧本！不过细睇又几有意思，大部分都係奇幻题材：史上最强猫娘搭档“废物”驯兽师，咁样探险一探就探出火花；反派大小姐搞事第一名，为咗逆转命运，冒险同魔王恋爱，势要威俾EX睇；魔法界有新“卷王”，“萌新”齐聚搞炼金术，打怪开店GET新知识。奇奇怪怪嘅人设同剧情，CP有反差萌，令你忍唔住一探究竟。

　　

　　秦丽莹/文 剧照/图

　　

　　

　　萌妹搭“废柴”去探险

　

　　在《驯兽师被逐出队伍后邂逅最强少女》中，驯兽师“雷因”被队友嫌弃佢冇用，所以被勇者小队炒咗鱿鱼，伤心嘅他决定转行做一名自由冒险者，而在资格测试的途中，他遇见了快要遭到魔物袭击的猫耳萌妹“奏”，本来想英雄救美嘅雷因却被萌妹反救，一问先知原来係最强生物猫耳娘。两人因此结缘，仲签订契约，以冒险者身份开始了全新的人生。之前提到嘅勇者小队暗戳戳搞事情，想同雷因抢猫耳娘……萌妹搭档“废柴”，边冒险边拍拖，一齐追梦、共同成长，剧情都几励志。

 

 

 

 

 

　　“恋爱脑”遇上“玛丽苏”

　　《因为是反派大小姐所以养了魔王》讲述嘅，係大小姐被人退婚，心有不甘于是决定向魔王大人求婚示爱，威俾垃圾EX睇！因为阴差阳错嘅转世，等待大小姐嘅係死亡的破灭之路，为咗扭转命运，佢变身反派，化爱意为动力，本来有颜有实力，衰在有啲恋爱脑。而魔王係个标准“玛丽苏”，“我有点想想试着让你哭！”讲得出呢种土味又上头嘅霸总台词，真係纯情得可爱。两个迷人嘅“坏蛋”之间，一场甜甜嘅恋爱故事就咁开始咗。谈恋爱、打怪、追梦一条龙，竟然都甜到上头，睇到你隔住屏幕睇都忍唔住露出“姨母笑”。

 

 

 

 

 

　　“卷王”“萌新”齐搞事业

　　《新人炼金术师的店铺经营 》话你知，新二次元炼金术师开店过程中坎坷又治愈嘅故事。莎拉莎通过努力拿了炼金术师证，梦想是和去世的双亲一样开一家属于自己嘅店铺，但当佢喜提新店之后，发现理想很丰满、现实却很骨感，后来陆续得到一班靓女“萌新”嘅热情相助，姊妹齐心一起搞事业。故事情节走日常生活加解决问题嘅方向，画风清新可爱。“萌新”打怪物嘅时候，展现出自己嘅超强魔法修养同精湛剑术；作为新人，佢哋无惧困难勇于尝试，玩魔法更係天马行空够晒大胆；作为姊妹，佢哋互相扶持，日常都好有爱。几位大眼萌妹子嘅笑容，充满治愈人心嘅魅力，差啲令观众忘记这是个魔法世界奋斗番。