这就是女生！魅力“舞”极限

　　4月15日，MFDC vol.6 全国总决赛，喺羊城创意产业园智库车间举行。来自各地嘅巾帼精英施展浑身解数，舞出自己嘅最靓姿态，展示咗女孩子无限嘅魅力。喺呢个 “美丽战场”上，Color认识到唔少舞坛精英。

　　郭玮/文 活动方提供、饶禧/图

 

　　Girls’ power惊人

　　MFDC 係全国首个女子街舞赛事，由广东全能女子HipHop团队MissTeam领队MissCiCi创办，係一个for女仔展示舞蹈力量嘅专属舞台。每一届嘅舞台都会有国内外著名女dancer担任评委，吸引唔少优秀女舞者嚟参赛。2021年嘅时候，MFDC vol.6全面升级，分别喺上海、重庆、南宁等城市举办，挑选出一批才华横溢嘅优秀舞者。今年4月，各个分赛区的种子选手嚟到广州，进行总决赛嘅角逐。freestyle solo选手,用45秒舞台狙击评委心；双人battle赛战火激烈，选手使尽浑身解数吸引人眼球，台上台下高潮迭起，现场气氛高涨。第六届赛事顺利结束，未来MFDC仲会有更多唔同城市嘅女子力量代表加入，girls’ power“舞”极限，值得无限期待。

 

 

 

　　Top one有梦想

　　今次嘅MFDC诞生咗两个组别嘅冠军，作为优胜者，佢哋都觉得今次的女生竞技舞台，具有非凡意义。Freestyle组冠军DaTing，係今次大赛中的人气选手，曾经喺《这! 就是街舞3》中被大家关注，由小学就开始中意跳舞嘅佢，话好开心见到依家嘅中国女孩子，喺舞台上越来越自信，同时佢亦都希望自己可以代表中国，做更多交流与学习，去征服更多世界舞台。而Female HipHop 1v1优胜者大白，就係来自广东全能女子HipHop团队MissTeam嘅成员，参加今次竞赛令佢印象最深刻嘅，就係同前辈们有机会同台献技，一起见证女生力量的无限可能。虽然大白係从大学先开始爱上街舞，但参加比赛的经验一啲都唔输，未来当然就係继续努力，成就更完美嘅自己。

 

 

 

　　宝岛选手惊喜多

　　每年MFDC都会有来自不同地区嘅选手参赛，今届嘅舞台就有来自台湾的选手。两位来自宝岛dancer，原来係喺舞蹈社团认识嘅，今次一起嚟到广州参加比赛，佢哋话觉得呢度嘅街舞，会同唔同的舞种做结合，街舞类型更多元化，令佢哋觉得好新鲜。相比而言，佢哋话台湾嘅舞者比较中意玩齐舞，嚟到呢度就多咗好多机会同人battle交流，呢啲新体验都令佢哋越来越爱街舞，未来嘅日子希望可以同内地舞者有更多交流。