人宠“共享”，萌度加分

　　越来越多人将自己嘅爱宠当做最close嘅密友，同食同住同开心，唔少大家日常使用嘅品牌，都同宠物用品牵手，共同打造萌宠与主人可以“共享”嘅商品，涉及嘅领域几乎涵盖大家嘅衣食住行，唔知你会为你嘅小可爱添置边款商品咧。

　　郭玮/文  品牌官网/图

 　　3CE X ZEZE

　　同声同气

　　化妆品係潮人必备用品，就算落街带狗散步，都希望自己成为全小区最磢镜嗰个。彩妆品牌联手爱宠用品，推出咗主打粉嫩柔软嘅联名系列用品。用彩妆嘅pink pink颜色做猫窝，粉粉嫩嫩超治愈，装腮红嘅毛绒小包包，又可以变身逗猫神器，随时随地啲变靓，自己又可以撩猫咪开心，真係两全其美。除咗彩妆，口腔护理品牌都深知主人对爱宠口腔健康嘅关注，推出咗“人宠大礼包”，主人用嘅漱口水与宠物用嘅洁牙液，成分相似、口味相近，让彼此“臭味相投”，不过大家使用过程记得睇清楚说明。就连私密嘅个人卫生用品，都用自己嘅凸点螺纹技术，同宠物用品做联名，推出咗猫咪舒服、主人舒心嘅撸猫手套……宠物嘅生活质量越来越高，主人们有时都忍唔住感慨，下辈子做只猫做只狗不做情人。

 　　3CE X ZEZE毛绒包可逗猫

 　　3CE X ZEZE猫爪粉扑

 　　小壳XBOP口腔大礼包

 　　杜蕾斯X星秀猫撸猫手套

　　美味共享

　　饮饮食食，人宠都中意！你估唔到嘅係，连各种食物品牌都嚟同萌宠用品玩下跨界，搞搞新意思。早前，快餐品牌已经推出过大型汉堡盒宠物窝，调皮喵百厌汪秒将佢摧残嘅照片充斥社交平台，睇到嘅人都觉得又心痛又好笑。其实除咗纸质窝，佢哋都仲有推出食物造型嘅毛绒宠物用品，炸鸡猫垫、粟米磨牙棒等等，造型趣怪又结实，够小可爱们玩好耐。雪糕品牌联名宠物用品，推出爱宠快乐桶，里面嘅宠物玩具就係雪球造型。时尚杂志仲邀请埋宠物健康专家助阵，打造主人与宠物共同享用的健康食谱，你同爱宠嘅健康都关注到，真係超暖超贴心。

 　　midumiduX汉堡王猫窝

 　　肯德基Xzeze墩墩鸡宠物抱抱窝

 　　肯德基Xzeze玉米棒磨牙

　　发射可爱

　　动漫IP自带萌点，宠物又天生可爱，两者属性结合嘅话，可爱成分变双倍。动漫游戏角色手上嘅武器，整成猫抓板可以有几型？嫌唔够chok嘅话，可以入手一款动漫配色的豪华猫咪游乐园，三级跳台够猫咪自娱自乐玩好耐，绝对唔惊打扰到你玩游戏。海盗船嘅宠物窝，坐入去就威水晒，唔知呢个场景可以令你谂起边位海盗？卡通片中的宠物窝奔现真係超级萌，零食袋plus造型猫窝更係创意无限……各种萌翻天嘅联名产品将可爱升级，从细节体现人与萌宠嘅紧密联动。

 　　万代X海贼王

 　　史努比X赛恩贝狗粮

 　　蜡笔小新Xkashima小白房子宠物窝

 　　王者荣耀Xpidan2

 　　PETKIT小佩 X ONE PIECE海贼王